តួលេខពលករខ្មែរចេញពីថៃ តាមច្រកអន្តរជាតិដូង នៅអំឡុងពេល១សប្ដាហ៍នេះ
- 2018-04-12 03:43:59
- ចំនួនមតិ 0 | ចំនួនចែករំលែក 0
តួលេខពលករខ្មែរចេញពីថៃ តាមច្រកអន្តរជាតិដូង នៅអំឡុងពេល១សប្ដាហ៍នេះ
ចន្លោះមិនឃើញ
លោក មិន លីដាហ្សាណូ នាយរងប៉ុស្តិ៍ច្រកទ្វារអន្តរជាតិដូង (ឡែម) ស្ថិតនៅស្រុកកំរៀង ខេត្តបាត់ដំបង បានឲ្យដឹងថា មានពលករខ្មែរចូលតាមច្រកនេះ ក្នុងមួយថ្ងៃៗប្រមាណជាង ២ពាន់នាក់ និងថ្ងៃខ្លះឡើងដល់ជាង ៦ពាន់នាក់ឯណោះ ក្នុងមួយរយៈពេលចុងក្រោយនេះ។ បើគិតចាប់ពីថ្ងៃទី៥ ដល់ទី១១ ខែមេសា មានពលករចេញតាមច្រកទ្វារអន្តរជាតិដូងចំនួន ៣៤ ៩២១នាក់។
លោកនាយរងប៉ុស្តិ៍ បានបន្តថា៖ “ការចេញពីថៃមកខ្មែរច្រើន តាមច្រកទ្វារអន្តរជាតិដូង ដោយសារសមត្ថកិច្ចប្រចាំច្រកនេះទាំងអស់ បានជួយសម្រួលឲ្យពួកគាត់ ចេញទៅផ្ទះស្រួល ដូចជាការបំពេញបែបបទជាដើមបានលឿន ណាមួយពួកគាត់រកប្រាក់បានច្រើនហើយក៏នាំគ្នាសម្រុកមកលេងពេលបុណ្យចូលឆ្នាំតែម្ដង”។
គួរបញ្ជាក់ថា ច្រកទ្វារអន្តរជាតិដូង ជាច្រកព្រំដែនជាប់នឹងប្រទេសថៃ ដោយជាមធ្យមក្នុងមួយថ្ងៃៗ មានប្រជាពលរដ្ឋខ្មែរ និងបរទេសរាប់រយនាក់ឆ្លងកាត់ក្នុងគោលបំណងទៅរកការងារ ធ្វើពាណិជ្ជកម្ម និងទេសចរណ៍ជាដើម។ សម្រាប់ឆ្នាំ២០១៧កន្លងទៅ តាមច្រកព្រំដែនកម្ពុជា-ថៃនីមួយៗមានប្រជាពលរដ្ឋខ្មែរ និងបរទេសបានឆ្លងកាត់ជាង ៥លាននាក់៕