ដូណាល់ ត្រាំ៖ ទំនាក់ទំនង អាមេរិក-រុស្ស៊ី កំពុងអាក្រក់ជាងសម័យសង្គ្រាមត្រជាក់ទៅទៀត

2018-04-12 03:45:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក ដូណាល់ ត្រាំ នៅថ្ងៃទី១២ ខែមេសា ២០១៨នេះ បានបញ្ជាក់តាមរយៈ Twitter របស់លោកថា ទំនាក់ទំនងរវាងអាមេរិក និងរុស្ស៊ី កំពុងអាក្រក់ជាងពេលណាទាំងអស់ រួមទាំងអាក្រក់ជាងសម័យសង្រ្គាមត្រជាក់ទៅទៀត។ ប៉ុន្ដែលោក ត្រាំ ថា ពុំមានមូលហេតុសម្រាប់ទំនាក់ទំនងអាក្រក់នេះឡើយ។

លោក ដូណាល់ ត្រាំ ប្រធានាធិបតីសហរដ្ឋអាមេរិក

ការបញ្ជាក់ដូច្នេះ គឺក្រោយលោក ត្រាំ កាលពីថ្ងៃទី១១ មេសា ២០១៨ ម្សិលមិញ បានប្រកាសប្រាប់ប្រទេសរុស្ស៊ីថា សហរដ្ឋអាមេរិកនឹងប្រើកម្លាំងយោធាវាយប្រហារប្រទេសស៊ីរី ដែលជាសម្ព័ន្ធមិត្តមួយរបស់ប្រទេសរុស្ស៊ី ក្រោយកម្លាំងរដ្ឋាភិបាលស៊ីរីរងការចោទប្រកាន់ថា បានប្រើប្រាស់ឧស្ម័នសម្លាប់ជនស៊ីវិលរាប់សិននាក់។

ជាការឆ្លើយតបភ្លាមៗនោះ ប្រទេសរុស្ស៊ីបានប្រាប់ទៅសហរដ្ឋអាមេរិកវិញថា រុស្ស៊ីនឹងបាញ់ស្ទាក់មីស៊ីលអាមេរិកទាំងអស់ ដែលបាញ់ចូលទៅក្នុងទឹកដីរបស់ស៊ីរី។

លោក វ៉្លាឌឺមៀ ពូទីន ប្រធានាធិបតីរុស្ស៊ី និងលោក ដូណាល់ ត្រាំ ប្រធានាធិបតីសហរដ្ឋអាមេរិក

សូមបញ្ជាក់ថា ទោះជាមុនកាន់តំណែងប្រធានាធិបតីអាមេរិក លោក ត្រាំ ធ្លាប់បានសរសើរ និងចង់មានទំនាក់ទំនងល្អជាមួយលោក ពូទីន និងប្រទេសរុស្ស៊ី ក៏ដោយ ប៉ុន្ដែក្រោយពេលលោកកាន់តំណែងជាប្រធានាធិបតីអាមេរិកហើយ លោក ត្រាំ គឺមិនខុសពីប្រធានាធិបតីអាមេរិកមុនៗទេ គឺការព្យាយាមបង្កើតទំនាក់ទំនងល្អជាមួយលោក ពូទីន និងប្រទេសរុស្ស៊ី ត្រូវទទួលបរាជ័យ៕

ប្រភព៖ CGTN ប្រែសម្រួល៖ វាសនា