ប្រទេសអាស៊ានមួយ ចង់ធ្វើជាស្ពានសម្រាប់ផ្សះផ្សាប្រទេសចិន និងអាមេរិក

2018-04-12 08:36:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសឥណ្ឌូណេស៊ី មានបំណងធ្វើជាអ្នកផ្សះផ្សាភាពតានតឹងរវាងមហាយក្សចិន និងសហរដ្ឋអាមេរិក។ នេះជាអ្វីដែលលោក Luhut Pandjaitan រដ្ឋមន្ត្រីកិច្ចការសមុទ្រឥណ្ឌូណេស៊ី ប្រាប់ទៅកាន់លោក Wang Yiរដ្ឋមន្ត្រីការបរទេសចិន ក្នុងជំនួបមួយ នាទីក្រុងប៉េកាំង នៅថ្ងៃទី ១២ មេសានេះ។

លោក Luhut Pandjaitan(ឆ្វេង) ចាប់ដៃជាមួយលោក Wang Yi(ស្តាំ) នៅថ្ងៃ ១២ មេសា ឆ្នាំ ២០១៨ ក្នុងវិមាននៅទីក្រុងប៉េកាំង (រូបភាព៖ CGTN)

ការលើកឡើងរបស់លោក Pandjaitan បានធ្វើឡើង ខណៈដែរប្រទេសចិន និងអាមេរិកមានបញ្ហាពាណិជ្ជកម្មជាមួយគ្នា។

គួររម្លឹកថា ប្រទេសចិន និងសហរដ្ឋអាមេរិក បានប្រឈមមុខដាក់គ្នាកាន់តែខ្លាំងហើយលើបញ្ហាពាណិជ្ជកម្ម ដែលបានផ្ទុះឡើងនៅចាប់តាំងពីដើមឆ្នាំ២០១៨ រហូតមកដល់បច្ចុប្បន្ន។ បញ្ហានេះ ដំបូងផ្ដើមពីក្រុងវ៉ាស៊ីនតោន ដែលបានដំឡើងពន្ធលើផ្ទាំងកញ្ចក់សូឡា បន្ទាប់មកទៀត ដំឡើងពន្ធលើដែកថែប និងអាលុយមីញ៉ូម និងចុងក្រោយនេះ បានដំឡើងពន្ធលើទំនិញចិន ដែលមានទំហំដល់ ៦០ពាន់លានដុល្លារ៕

ប្រភព៖ CGTN ប្រែសម្រួល៖ អឹុម ម៉េងស៊ាង