សញ្ញាទាំង៦នេះ អាចបញ្ជាក់ថា ទូរសព្ទរបស់អ្នកត្រូវគេ Hack ហើយ!

2018-04-17 07:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្មាតហ្វូនដែលអ្នកកាន់ប្រើរាល់ថ្ងៃ អាចត្រូវគេ Hack ដោយមិនដឹងខ្លួន ដើម្បីលួចយកនូវឯកសារសំខាន់ៗដូចជា លេខសម្ងាត់គណនីធនាគារ រូបភាព វីដេអូ ឬអ៊ីម៉ែល ជាដើម។ តើធ្វើយ៉ាងទើបដឹងថា ទូរសព្ទត្រូវគេ Hack?

ថ្ងៃនេះ Kley Kley សូមលើកយក ៦ចំណុច ដើម្បីដឹងថា ទូរសព្ទមានគេ Hack៖

១. ទូរសព្ទឆាប់អស់ថ្មជាងមុន៖ នេះអាចបណ្ដាលមកពីមានកម្មវិធីមេរោគណាមួយត្រូវបានដំឡើងយ៉ាងសម្ងាត់នៅក្នុងទូរសព្ទ។

២.ទូរសព្ទឡើងកម្ដៅខុសធម្មតា៖ ប្រសិនបើអ្នកមិនបានប្រើ ហើយទូរសព្ទចេះតែក្ដៅ នោះអាចជាសញ្ញាបង្ហាញប្រាប់ថា មានកម្មវិធីសម្ងាត់ណាមួយមិនល្អកំពុងលួចដំណើរការក្នុងទូរសព្ទ។

៣.នៅសុខៗទូរសព្ទដំណើរការដោយខ្លួនឯង (បិទបើកម៉ាស៊ីន ហៅចេញចូលទូរសព្ទ ឬបើកកម្មវិធី)៖ លក្ខណៈនេះអាចបណ្ដាលមកពីកត្តា២យ៉ាង ដោយទី១ប្រព័ន្ធទូរសព្ទគាំងខូច និងទី២គឺមានគេ Hack ទូរសព្ទអ្នក។

៤.ស្រាប់តែលេចចេញនូវលេខទូរសព្ទប្លែកៗនៅក្នុងកន្លែងហៅចេញចូលទូរសព្ទ (Recent Calls)

៥.មិនអាចបិទគ្រឿងទូរសព្ទ ហើយបែរទៅជាបើកចេញកម្មវិធីផ្សេងទៅវិញ

៦.មានឮសំឡេងរំខាន ពេលកំពុងនិយាយទូរសព្ទ ខុសប្លែកពីរាល់ដង (បើទោះជានៅកន្លែងមានសេវាពេញ)។

ចុះធ្វើដូចម្ដេច ដើម្បីការពារកុំឲ្យគេ Hack បាន? វិធីការពារមានដូចជា៖

ប្រសិនបើអ្នកទទួលបានសារដែលមានភ្ជាប់ជាមួយតំណ Link មិនប្រក្រតី សូមកុំបើកវាឲ្យសោះ
ក្នុងករណីសាកថ្មទូរសព្ទជាមួយកុំព្យូទ័ររបស់អ្នកដទៃ ត្រូវរើសយកមុខងារ "Only Charging" ហើយបិទចោលនូវមុខងារបញ្ជូនឯកសារពីទូរសព្ទទៅឧបករណ៍ផ្សេង
កុំប្រើមុខងារចងចាំលេខសម្ងាត់នៅលើទូរសព្ទ (Remember Passwords)
មិនត្រូវបើកទូរសព្ទឲ្យភ្ជាប់ Wi-Fi ស្វ័យប្រវត្តិនោះទេ ពោលគឺពេលចង់ភ្ជាប់ ត្រូវរើសយក Wi-Fi Network ណាមួយដែលស្គាល់ច្បាស់លាស់
មិនត្រូវប្រើ Wi-Fi សាធារណៈតែផ្ដេសផ្ដាស។ គួរប្រើ Wi-Fi ដែលមានភ្ជាប់លេខសម្ងាត់
កុំទិញទំនិញអនឡាញ ឬដោះដូរប្រាក់ តាមរយៈ Wi-Fi សាធារណៈ
ប្រសិនបើអ្នកប្រើទូរសព្ទដំណើរការដោយ Android គួរដំឡើងកម្មវិធីកម្ចាត់មេរោគ
ចាក់សោទូរសព្ទដោយប្រើលេខសម្ងាត់៕