កម្ពុជាសម្រេចលើកលែងពន្ធបន្ថែមលើទំនិញមួយចំនួន រយៈពេល២ឆ្នាំ
- 2018-04-13 06:10:34
- ចំនួនមតិ 0 | ចំនួនចែករំលែក 0
កម្ពុជាសម្រេចលើកលែងពន្ធបន្ថែមលើទំនិញមួយចំនួន រយៈពេល២ឆ្នាំ
ចន្លោះមិនឃើញ
ក្រសួងសេដ្ឋកិច្ច និងហិរញ្ញវត្ថុ បានឲ្យដឹងថា រាជរដ្ឋាភិបាលកម្ពុជាសម្រេចលើកលែងអាករបន្ថែមលើមុខទំនិញអាហារមូលដ្ឋានចាំបាច់ប្រចាំថ្ងៃ រួមមាន ត្រី សាច់ និងគ្រឿងទេសមួយចំនួនសម្រាប់រយៈពេល២ឆ្នាំ គឺនៅឆ្នាំ២០១៨ និងឆ្នាំ២០១៩។
បើតាមសេចក្ដីប្រកាសរបស់ក្រសួងសេដ្ឋកិច្ច បណ្ដាអាហារមួយចំនួន ដែលត្រូវបានលើកលែងអាករបន្ថែមនោះរួមមាន សាច់គោ ក្របី ពពែ មាន់ ទា ចៀម ជ្រូក (ទាំងសាច់ស្រស់ និងកែច្នៃ) ស៊ុត ត្រីទឹកសាប និងទឹកប្រៃគ្រប់ប្រភេទ រួមទាំងបង្កង បង្គា កំពឹស ក្ដាម និងសិប្បីជាតិគ្រប់ប្រភេទ ទោះបីជាសាច់ស្រស់ និងកែច្នៃ។ ជាមួយនេះ គ្រឿងទេសដូចជាស្ករគ្រប់ប្រភេទ ដែលមិនមានលក្ខណៈជាស្ករគ្រាប់ អំបិលគ្រប់ប្រភេទ ទឹកត្រី និងទឹកស៊ីអ៊ីវក៏ត្រូវបានលើកលែងពន្ធអាករបន្ថែមដូចគ្នាផងដែរ៕