Samsung ក្ដោបការនាំចេញធំបំផុតនៅប្រទេសវៀតណាម
- 2018-04-13 07:13:43
- ចំនួនមតិ 0 | ចំនួនចែករំលែក 0
Samsung ក្ដោបការនាំចេញធំបំផុតនៅប្រទេសវៀតណាម
ចន្លោះមិនឃើញ
Samsung គឺជាក្រុមហ៊ុនធំបំផុតនៅប្រទេសវៀតណាម ដោយកាលពីឆ្នាំទៅក្រុមហ៊ុនផលិតស្មាតហ្វូននេះកើបចំណូលសរុបបាន ៥៨ពាន់លានដុល្លារ។ នៅវៀតណាម Samsung បានចំណាយថវិកាវិនិយោគចំនួន ១៧ពាន់លានដុល្លារ។
Samsung មានរោងចក្រធំៗចំនួន២ នៅវៀតណាម គឺស្ថិតនៅក្នុងខេត្ត Thai Nguyen និងខេត្ត Bac Ninh។ រោងចក្រដ៏ធំទាំង២ មានបុគ្គលិកសរុបជាង ១០ម៉ឺននាក់ឯណោះ។ គ្រាន់តែ Samsung មួយបានក្ដោបយកទីផ្សារនាំចេញរបស់វៀតណាម ១/៣ នៃតម្លៃនាំចេញសរុប ២១៤ពាន់លានដុល្លារ កាលពីឆ្នាំ២០១៧។
អ្វីដែលពិសេសជាងនេះទៅទៀត ក្រុមហ៊ុនយក្សរបស់កូរ៉េខាងត្បូងនេះបានធ្វើឲ្យវៀតណាមក្លាយជាអ្នកនាំចេញស្មាតហ្វូនធំលំដាប់ថ្នាក់ទី២លើពិភពលោក បន្ទាប់ពីប្រទេសចិន។ ដោយឡែក ខេត្ត២ដែលជាទីតាំងរបស់រោងចក្រ Samsung ក៏ក្លាយជាខេត្តដែលមានជាងគេនៅក្នុងប្រទេសវៀតណាមផងដែរ៕