ទីផ្សាររថយន្តក្នុងសហភាពអឺរ៉ុប បានធ្លាក់ចុះ នៅខែមីនា
- 2018-04-18 07:45:55
- ចំនួនមតិ 0 | ចំនួនចែករំលែក 0
ទីផ្សាររថយន្តក្នុងសហភាពអឺរ៉ុប បានធ្លាក់ចុះ នៅខែមីនា
ចន្លោះមិនឃើញ
ទីផ្សាររថយន្តក្នុងសហភាពអឺរ៉ុប នៅខែមីនា ឆ្នាំ២០១៨ បានធ្លាក់ចុះ ៥,៣% បើធៀបនឹងខែមីនា ឆ្នាំ២០១៧ កន្លងទៅ។ នេះបើតាមការចេញផ្សាយរបស់សមាគមរោងចក្ររថយន្តរបស់សហភាពអឺរ៉ុប នៅថ្ងៃទី១៨ ខែមេសា ២០១៨នេះ។
ក្នុងនោះ ការលក់រថយន្តរបស់ក្រុមហ៊ុន Nissan បានធ្លាក់ចុះ ១៦,៣% ក្រុមហ៊ុន Ford បានធ្លាក់ចុះ ១៤,៦% និង Fiat Chrysler ធ្លាក់ចុះ ៨% ដែលធ្វើឲ្យចំនួនលក់រថយន្តសរុបនៅទូទាំងសហភាពមានចំនួន 1,៨៤លានគ្រឿង កាលពីខែមីនា ២០១៨ កន្លងទៅ។
ការធ្លាក់ចុះនេះ ដោយសារតម្រូវការនៅក្នុងទីផ្សារនាចក្រភពអង់គ្លេសបានធ្លាក់ចុះ ចំនួន ១៥,៧% ប្រទេសអ៊ីតាលីបានធ្លាក់ចុះ ៥,៨% ប្រទេសអាល្លឺម៉ង់បានធ្លាក់ចុះ ៣,៤% ប្រទេសបារាំងបានធ្លាក់ចុះ ២,២% និងប្រទេសអង់គ្លេសបានធ្លាក់ចុះ ២,១%។
សូមបញ្ជាក់ថា ការលក់រថយន្តសរុបនៅសហភាពអឺរ៉ុប ក្នុងត្រីមាសទី១ ឆ្នាំ២០១៨នេះ មានចំនួន ៤,១១លានគ្រឿង៕