ត្រឹម១ថ្ងៃ ហេតុការណ៍ពាក់ព័ន្ធនឹងយន្តហោះ កើតឡើង២លើកនៅអាមេរិក

2018-04-19 00:16:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មួយថ្ងៃ បន្ទាប់ពីជើងហោះហើរ Southwest បានឆេះម៉ាស៊ីន ជើងហោះហើរ Delta មួយទៀតដែលបានហោះចាកចេញពីព្រលានយន្តហោះ Destroit បានផ្ទុះបែកកង់ តែចុះចតដោយសុវត្ថិភាពនៅឆ្នេរ West Palm រដ្ឋផ្លរីដា សហរដ្ឋអាមេរិក កាលពីថ្ងៃទី១៨មេសា។

យន្តហោះរបស់ក្រុមហ៊ុន Southwest ដែលបានផ្ទុះកង់ បានចុះចតដោយសុវត្ថិភាព (រូបភាព៖ wxyz.com)

តាមសេចក្ដីរាយការណ៍ បានឲ្យដឹងថា មិនមានអ្នករបួស ដោយសារហេតុការណ៍នេះឡើយ ប៉ុន្តែចំនួនអ្នកដំណើរលើយន្តហោះ មិនទាន់ត្រូវបានបញ្ជាក់នោះទេ។ ក្រុមហ៊ុនអាកាសចរណ៍ Delta បានឲ្យដឹងថា យន្តហោះម៉ាក MD-90 បានចុះចតដោយសុវត្ថិភាព នៅម៉ោងប្រមាណជា ១១ព្រឹក (ម៉ោងនៅអាមេរិក) ទោះបីជាកង់យន្តហោះមួយ បានផ្ទុះបែកក៏ដោយ។

សូមបញ្ជាក់ថា ហេតុការណ៍ខាងលើ បានកើតឡើងបន្ទាប់ពីយន្តហោះប្រភេទ Boeing 737-700 របស់ក្រុមហ៊ុន Southwest ដែលធ្វើដំណើរពីក្រុងញ៉ូយ៉ក ទៅក្រុង Dallas ត្រូវគេបង្ខំឲ្យចុះចតនៅក្រុង Philadelphia ដោយសារតែម៉ាស៊ីនយន្តហោះមួយបានផ្ទុះឆេះ។ បំបែកមួយចេញពីការផ្ទុះនេះ ធ្វើឲ្យបង្អូចមួយរបស់យន្តហោះបែកកញ្ចក់ បណ្ដាលសម្ពាធក្នុងយន្តហោះធ្លាក់ចុះ ដែលនាំឲ្យមនុស្ស ២នាក់ស្លាប់ (ម្នាក់ត្រូវស្រូបចេញតាមបង្អូច) និង ៧នាក់ផ្សេងទៀតរបួស ក្នុងចំណោមអ្នកដំណើរសរុប ១៤៤នាក់៕