ដឹងហើយអំពីចំនួនកងកម្លាំងត្រៀមការពារសន្តិសុខការបោះឆ្នោតជាតិខាងមុខ!

2018-04-19 01:40:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កម្លាំងអាជ្ញាធរមានសមត្ថកិច្ចចម្រុះចំនួន ៨ម៉ឺននាក់ នឹងត្រូវប្រើប្រាស់សម្រាប់ការពារការបោះឆ្នោតជ្រើសតាំងតំណាងរាស្ត្រនីតិកាលទី៦ នៅថ្ងៃទី២៩ ខែកក្កដា ឆ្នាំ២០១៨ខាងមុខ។ ក្នុងនោះ ក៏មានការប្រើកម្លាំងប្រជាការពារនៅតាមឃុំ សង្កាត់ និងក្រុង ស្រុក ខណ្ឌ ប្រមាណជាង ២ម៉ឺននាក់ផងដែរ។ នេះបើយោងតាមការលើកឡើងរបស់នាយឧត្ដមសេនីយ៍ គៀត ច័ន្ទថារិទ្ធ អគ្គស្នងការរងនគរបាលជាតិ កាលពីថ្ងៃទី១៨មេសា។

លោក គៀត ច័ន្ទថារិទ្ធ បញ្ជាក់បន្ថែមថា ទន្ទឹមនឹងការត្រៀមកម្លាំងនេះផងដែរ ក៏មានការបើកវគ្គបណ្ដុះបណ្ដាលគ្រូបង្គោលស្ដីពីច្បាប់ បទបញ្ជា និងនីតិវិធី ក៏ដូចជាក្រមសីលធម៌សម្រាប់ភ្នាក់ងារសន្តិសុខរបស់គណៈបញ្ជាការសន្តិសុខអចិន្ត្រៃយ៍សម្រាប់ការបោះឆ្នោត រយៈពេល ៣ថ្ងៃ នៅអគ្គស្នងការនគរបាលជាតិ។ វគ្គបណ្ដុះបណ្ដាលនេះ ធ្វើឡើងចាប់ពីថ្ងៃទី១៨ ដល់ថ្ងៃទី២០ ខែមេសា ឆ្នាំ២០១៨។

សូមបញ្ជាក់ថា គណៈកម្មាធិការជាតិរៀបចំការបោះឆ្នោត (គ.ជ.ប) ធ្លាប់បានឲ្យដឹងថា ការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ មានរយៈពេល ២១ថ្ងៃ គឺចាប់ពីថ្ងៃទី៧ ដល់ថ្ងៃទី២៧ ខែកក្កដា។ ចំណែកការបោះឆ្នោតនឹងប្រព្រឹត្តទៅនៅថ្ងៃទី២៩ ខែកក្កដាខាងមុខ៕

ប្រភព៖ រស្មីកម្ពុជា ប្រែសម្រួល៖ ឈាង.