ប្រទេសមួយ ចេញមុខមុនគេហាមឃាត់ការប្រើទុយយោប្លាស្ទិក

2018-04-19 10:28:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយករដ្ឋមន្ត្រីអង់គ្លេសលោកស្រី Theresa May បានប្រកាសកាលពីថ្ងៃទី១៨ មេសា ឆ្នាំ ២០១៨ ពីគម្រោងហាមឃាត់ទុយយោប្លាស្ទិក ដែលនឹងត្រូវចាប់ផ្ដើមនៅដើមឆ្នាំក្រោយនេះ។ គម្រោងថ្មីនេះ នឹងធ្វើឲ្យចក្រភពអង់គ្លេសក្លាយទៅជាប្រជាជាតិទី ១បង្អស់ លើលោក ដែលបញ្ឈប់ការប្រើប្រាស់ទុយយោប្លាស្ទិក។

នាយករដ្ឋមន្ត្រីអង់គ្លេស លោកស្រី Theresa May។ (រូបភាព៖ Dailymail)

រដ្ឋលេខាធិការនៃក្រសួងបរិស្ថានអង់គ្លេស លោក Michael Gove បានទទួលបញ្ជាឲ្យចាប់ផ្ដើមធ្វើការពិគ្រោះយោបល់អំពីគម្រោងនេះហើយ ដោយលោកសង្ឃឹមថា នឹងអាចអនុម័តការហាមឃាត់ទុយយោប្លាស្ទិកនេះបាន ក្នុងឆ្នាំ២០១៩។ ក្រៅពីទុយយោប្លាស្ទិក សំឡីត្បាល់ស្លឹកត្រចៀក ក៏ជាផ្នែកមួយនៃគម្រោងហាមឃាត់ប្លាស្ទិកឲ្យបានទាំងស្រុងគិតត្រឹមឆ្នាំ២០៤២។

ជុំវិញរឿងនេះ ចក្រភពអង់គ្លេស គ្រោងនឹងចំណាយថវិកាប្រមាណ ៨៧,២លានដុល្លារ ដើម្បីធ្វើការអភិវឌ្ឍវិធីសាស្ត្រក្នុងការលុបបំបាត់កាកសំណល់ប្លាស្ទិក។

រូបតំណាង។ (ប្រភព៖ Newburgh Gazette)

សូមជម្រាបថា ទុយយោប្រមាណជាង ៨,៦លានដើម ត្រូវបានបោះចោលជារៀងរាល់ឆ្នាំក្នុងប្រទេសអង់គ្លេស ដែលចំនួននេះ ត្រូវបានប៉ាន់ប្រមាណថា គឺច្រើនជាងប្រទេសបារាំងចំនួន ៣ ដង។ នេះបើតាមការបញ្ជាក់របស់រដ្ឋាភិបាលអង់គ្លេស៕

ប្រភព៖ buzzfeed ប្រែសម្រួល៖ អឹុម ម៉េងស៊ាង