ចិនស្នើឲ្យកម្ពុជាចាត់ការជនជាតិខ្លួនដែលមិនគោរពច្បាប់

2018-04-20 00:34:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ចិនបានប្រកាសពីគោលជំហរ មិនគាំទ្រពលរដ្ឋខ្លួនដែលប្រព្រឹត្តអំពើខុសច្បាប់នៅកម្ពុជា ហើយថែមទាំងស្នើឲ្យ កម្ពុជាដាក់ទោសទណ្ឌ បន្ថែមទៀតចំពោះពលរដ្ឋចិន និងអ្នកវិនិយោគចិនទាំងឡាយណា ដែលបង្កភាពអនាធិបតេយ្យ និងប្រព្រឹត្តបទល្មើសផ្សេងៗ ក្នុងប្រទេសកម្ពុជា។ ការលើកឡើងនេះ ធ្វើឡើងនៅក្នុងជំនួបពិភាក្សារវាងអគ្គស្នងការនគរបាលជាតិ លោកនេត សាវឿន ជាមួយលោកលាង ជីងរ៉ុង អគ្គនាយក នៃអគ្គនាយកដ្ឋាន កិច្ចសហ ប្រតិបត្តិការអន្តរជាតិ ក្រសួងសន្តិសុខសាធារណៈរបស់ចិន កាលពីថ្ងៃទី១៩ ខែមេសា ឆ្នាំ២០១៨។

ថ្លែងប្រាប់ក្រុមអ្នកសារព័ត៌មាន នៅក្រោយជំនួបខាងលើ លោកគៀត ច័ន្ទថារិទ្ធ អគ្គស្នងការរងនគរបាលជាតិ ឲ្យដឹងថា ចិននៅតែបន្តសហការជាមួយកម្ពុជា ជាពិសេសផ្នែកសន្តិសុខ។ លោកថា ចិនបានគាំទ្រចំពោះវិធានការរបស់កម្ពុជា ចំពោះពលរដ្ឋចិនដែលប្រព្រឹត្តខុសច្បាប់នៅកម្ពុជានាពេលកន្លងមក។ លោកបន្ថែមថា លោក លាង ជីង រ៉ុង(LIAO JINGRONG) ក៏បានប្រាប់ពលរដ្ឋចិនដែលមករស់នៅក្នុងប្រទេសកម្ពុជា ត្រូវតែគោរពច្បាប់ និងប្រពៃណីនៃការរស់ពលរដ្ឋកម្ពុជា ហើយលោក ក៏បានស្នើឲ្យ លោកនេត សាវឿន ជួយការពារ និងបង្កើនសន្តិសុខ ចំពោះពលរដ្ឋចិន ដែលបានមកវិនិយោគនៅកម្ពុជាផងដែរ។

គួរបញ្ជាក់ថាកន្លងមកសមត្ថកិច្ចនគរបាល និងសមត្ថកិច្ចកងរាជអាវុធហត្ថក្នុងរាជធានីភ្នំពេញធ្លាប់ធ្វើ ការបង្ក្រាបក្រុមម៉ាហ្វីយ៉ា ជនជាតិតៃវ៉ាន់ ប្រមាណជាង៥០០នាក់ ដែលចូលបានប្រព្រឹត្តបទឧក្រិដ្ឋនៅក្នុងប្រទេសកម្ពុជា ដូចជា ជួញដូរគ្រឿងញៀន និងជំរិតទារប្រាក់តាមប្រព័ន្ធអ៊ីនធឺណិតជាដើម។ ជនបង្កទាំងអស់នោះក៏ត្រូវបានចាប់បញ្ជូនឲ្យត្រឡប់ទៅប្រទេសរបស់ខ្លួនវិញហើយដែរ៕

ប្រភព៖ Vayo Fm ប្រែសម្រួល៖ ឈាង.