ក្រសួងចំនួន២ ប្រកាសចាត់វិធានការតឹងរ៉ឹងចំពោះក្រុមហ៊ុនដែលជំពាក់បំណុលក្រសួង
- 2018-04-20 00:04:09
- ចំនួនមតិ 0 | ចំនួនចែករំលែក 0
ក្រសួងចំនួន២ ប្រកាសចាត់វិធានការតឹងរ៉ឹងចំពោះក្រុមហ៊ុនដែលជំពាក់បំណុលក្រសួង
ចន្លោះមិនឃើញ
ប្រធានក្រុមហ៊ុនប្រិបត្តិករទូរគមនាគមន៍ទាំងអស់ ដែលនៅមានបំណុលជំពាក់ក្រសួងប្រៃសណីយ៍ និងទូរគមនាគមន៍, ទូរគមនាគមន៍កម្ពុជា និងនិយ័តករទូរគមនាគមន៍កម្ពុជា ត្រូវសងបំណុលទាំងអស់យ៉ាងយូរត្រឹមថ្ងៃទី៣០ ខែមេសា ឆ្នាំ២០១៨ ជាកំហិត។ នេះបើយោងតាមសេចក្ដីប្រកាសរួមគ្នាមួយរបស់ក្រសួងសេដ្ឋកិច្ច និងហិរញ្ញវត្ថុ និងក្រសួងប្រៃសណីយ៍ និងទូរគមនាគមន៍។
ក្នុងសេចក្ដីប្រកាស បញ្ជាក់ថា បើផុតកាលកំណត់នេះ ក្រសួងទាំង២នឹងចាត់វិធានការតឹងរ៉ឹងជាបន្តបន្ទាប់ដូចខាងក្រោម ដោយពុំមានការលើកលែងឡើយ៖
១. ប្រកាសជាសាធារណៈតាមសារព័ត៌មាន វិទ្យុ ឬទូរទស្សន៍ ដោយដាក់ចំឈ្មោះក្រុមហ៊ុន ឈ្មោះអភិបាលក្រុមហ៊ុន ម្ចាស់ក្រុមហ៊ុន និងចំនួនទឹកប្រាក់ដែលបានជំពាក់
២. ចាត់វិធានការតាមផ្លូវច្បាប់ដូចជា បង្កកគណនីនៅធនាគារពាណិជ្ជ បិទហ្វ្រេកង់ស៍ ហាមឃាត់ការនាំចេញ-នាំចូល ហាមឃាត់ការចូលរួមក្នុងដំណើរការលទ្ធកម្មសាធារណៈ ព្យួរ ឬដកហូតអាជ្ញាប័ណ្ណប្រតិបត្តិការអាជ្ញាប័ណ្ណហ្វ្រេកង់ស៍វិទ្យុ កិច្ចព្រមព្រៀង ឬលិខិតគតិយុត្តពាក់ព័ន្ធផ្សេងៗ សម្រាប់ធ្វើអាជីវកម្ម និងចុងក្រោយរៀបចំសំណុំរឿងដាក់បណ្ដឹងទៅតុលាការ៕