ជម្លៀសខ្លួនមនុស្សជាច្រើនពាន់នាក់ ក្រោយរកឃើញគ្រាប់បែកទម្ងន់៥០០គីឡូនៅប៊ែកឡាំង

2018-04-20 01:48:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការជម្លៀសខ្លួនខ្នាតធំមួយ នឹងប្រព្រឹត្តទៅនៅព្រឹកថ្ងៃសុក្រទី២០ ខែមេសា ឆ្នាំ២០១៨ នេះ នៅប្រទេសអាល្លឺម៉ង់ ដើម្បីជាការបើកផ្លូវឲ្យអ្នកជំនាញដោះគ្រាប់បែកបន្សល់តាំងពីសម័យសង្គ្រាមលោកលើកទី២ ដែលត្រូវបានរកឃើញ កាលពីពេលថ្មីៗ។

ទីកន្លែងដែលរកឃើញគ្រាប់បែក/ រូបភាព៖ EPA

ការប្រទះឃើញគ្រាប់បែកទម្ងន់៥០០គីឡូក្រាមនេះ ធ្វើឡើងនៅការដ្ឋាន Heidestrasse ដែលស្ថិតនៅក្នុងទីក្រុងប៊ែលឡាំង កាលពីថ្ងៃទី១១ ខែមេសា ឆ្នាំ២០១៨។ តំបន់ដែលត្រូវជម្លៀសប្រជាជនចេញគឺស្ថិតនៅក្នុងរង្វង់ចម្ងាយ ៨០០ម៉ែត្រពីទីតាំងដែលរកឃើញគ្រាប់បែក ដែលមានដូចជា ក្រសួងរដ្ឋាភិបាលមួយចំនួន មន្ទីរពេទ្យមួយកន្លែង និងចំណតស្ថានីយរថភ្លើងមួយកន្លែង។

សូមជម្រាបថា គ្រាប់បែកដែលសល់តាំងពីសម័យសង្គ្រាមលោក (១៩៣៩-១៩៤៥) តែងតែត្រូវបានរកឃើញជារៀងរាល់ឆ្នាំនៅក្នុងប្រទេសអាល្លឺម៉ង់ ហើយក៏មានការជម្លៀសខ្លួនពលរដ្ឋជារឿយៗផងដែរ។ ជាឧទាហរណ៍ កាលពីឆ្នាំខែឧសភា ឆ្នាំ២០១៧ មនុស្សប្រហែល ៥ម៉ឺននាក់ ត្រូវបានជម្លៀសខ្លួន បន្ទាប់ពីប្រទះឃើញគ្រាប់បែកចំនួន៣គ្រាប់នៅទីក្រុង Hannover។ ឯកាលពីចុងឆ្នាំ២០១៦ គ្រាប់បែក១គ្រាប់ទម្ងន់ជាង ១,៨តោន ត្រូវបានរកឃើញនៅក្នុងទីក្រុង Augsburg ដែលបណ្ដាលឲ្យមានការជម្លៀសខ្លួនមនុស្សមិនតិចជាង ៥ម៉ឺននាក់ឡើយ៕

ប្រភព៖ BBC ប្រែសម្រួល៖ ឈាង.