ឈ្មោះប្រទេស១ ដែលស្រដៀងនឹងប្រទេសស្វីស ត្រូវប្ដូរចេញហើយ

2018-04-20 04:42:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្តេច Mswati III នៃប្រទេសស្វាស៊ីឡង់(Swaziland) បានប្រកាសកាលពីថ្ងៃ ១៨ មេសា ឆ្នាំ២០១៨ ថា ទ្រង់បានផ្លាស់ប្ដូរឈ្មោះប្រទេសទៅជា រាជាណាចក្រអ៊ីស្វាទីនី(eSwatini) វិញ។ ការប្រកាសផ្លាស់ប្ដូរជាផ្លូវការនេះ ត្រូវបានធ្វើឡើងនៅពហុកីឡាដ្ឋានមួយ អំឡុងពិធីអបអរខួបទី ៥០ ឆ្នាំនៃបុណ្យឯករាជ្យជាតិរបស់ជនជាតិស្វាស៊ី ។

ស្តេច Mswati III(កណ្តាល) កាន់អំណាចក្នុងប្រទេសនេះ តាំងពីឆ្នាំ ១៩៨៦មកម៉្លេះ។ (រូបភាព៖ AFP)

ស្ដេចអង្គនេះ បានពន្យល់ថា ឈ្មោះស្វាស៊ីឡង់(Swaziland) បានបង្កើតការភាន់ច្រឡំខ្លះកើតឡើង។ លោកបានលើកឡើងថា៖ "នៅពេលដែលយើង(ជនជាតិស្វាស៊ី)ទៅកាន់បរទេស មនុស្សតែងតែច្រឡំយើងថាមកពីប្រទេសស្វីស(Switzerland)។"

សូមជម្រាបថា ឈ្មោះeSwatini ថ្មីនេះ ក៏ធ្លាប់ត្រូវបានស្ដេចអង្គនេះយកទៅប្រើប្រាស់ នៅពេលដែលទ្រង់បានថ្លែងក្នុងមហាសន្និបាតអង្គការសហប្រជាជាតិកាលពីឆ្នាំ ២០១៧ និងនៅឯពិធីបើកអង្គប្រជុំសភាកាលពីឆ្នាំ២០១៤ផងដែរ៕

ប្រភព៖ BBC ប្រែសម្រួល៖ អឹុម ម៉េងស៊ាង