ឈ្មោះប្រទេស១ ដែលស្រដៀងនឹងប្រទេសស្វីស ត្រូវប្ដូរចេញហើយ
- 2018-04-20 04:42:53
- ចំនួនមតិ 0 | ចំនួនចែករំលែក 0
ឈ្មោះប្រទេស១ ដែលស្រដៀងនឹងប្រទេសស្វីស ត្រូវប្ដូរចេញហើយ
ចន្លោះមិនឃើញ
ស្តេច Mswati III នៃប្រទេសស្វាស៊ីឡង់(Swaziland) បានប្រកាសកាលពីថ្ងៃ ១៨ មេសា ឆ្នាំ២០១៨ ថា ទ្រង់បានផ្លាស់ប្ដូរឈ្មោះប្រទេសទៅជា រាជាណាចក្រអ៊ីស្វាទីនី(eSwatini) វិញ។ ការប្រកាសផ្លាស់ប្ដូរជាផ្លូវការនេះ ត្រូវបានធ្វើឡើងនៅពហុកីឡាដ្ឋានមួយ អំឡុងពិធីអបអរខួបទី ៥០ ឆ្នាំនៃបុណ្យឯករាជ្យជាតិរបស់ជនជាតិស្វាស៊ី ។
សូមជម្រាបថា ឈ្មោះeSwatini ថ្មីនេះ ក៏ធ្លាប់ត្រូវបានស្ដេចអង្គនេះយកទៅប្រើប្រាស់ នៅពេលដែលទ្រង់បានថ្លែងក្នុងមហាសន្និបាតអង្គការសហប្រជាជាតិកាលពីឆ្នាំ ២០១៧ និងនៅឯពិធីបើកអង្គប្រជុំសភាកាលពីឆ្នាំ២០១៤ផងដែរ៕