ធនាគារពិភពលោក នឹងបង្កើនការផ្ដល់កម្ចីដល់ប្រទេសចំណូលមធ្យមកម្រិតទាប
- 2018-04-20 04:19:45
- ចំនួនមតិ 0 | ចំនួនចែករំលែក 0
ធនាគារពិភពលោក នឹងបង្កើនការផ្ដល់កម្ចីដល់ប្រទេសចំណូលមធ្យមកម្រិតទាប
ចន្លោះមិនឃើញ
លោក Jim Yong Kim ប្រធានធនាគារពិភពលោក កាលពីថ្ងៃទី១៩ ខែមេសា ២០១៨ ម្សិលមិញ បានលើកឡើងថា ស្ថាប័នផ្ដល់កម្ចីអន្តរជាតិ នឹងបង្កើនការផ្ដល់កម្ចីដល់ប្រទេសដែលមានចំណូលមធ្យមកម្រិតទាប លើសពេលមុនៗទៅទៀត។
ប៉ុន្ដែប្រធានធនាគារពិភពលោក បានបញ្ជាក់ថា ការបង្កើនទំហំទឹកប្រាក់កម្ចីនេះ មិនបានដាក់គោលដៅលើប្រទេសណាមួយជាក់លាក់នោះទេ។ លោកបន្ថែមថា ការបង្កើនទំហំទឹកប្រាក់កម្ចីនេះ គឺផ្ដោតលើកម្រិតចំណូល និងការបន្ដគាំទ្ររបស់ World Bank Group ដល់ដៃគូ និងប្រទេសសមាជិក ដែលជាអតិថិជន។
សូមបញ្ជាក់ថា តាមរូបមន្តរបស់ធនាគារពិភពលោកនៅឆ្នាំ២០១៦ ប្រទេសចំណូលមធ្យមកម្រិតទាប គឺត្រូវមានផលិតផលជាតិសរុបសម្រាប់មនុស្សម្នាក់ៗ (GNI per capita) ចន្លោះពី ១០០៦ដុល្លារ ដល់ ៣៩៥៥ដុល្លារ។ សម្រាប់ប្រទេសកម្ពុជា ត្រូវបាន World Bank Group ចាត់ចូលជាប្រទេសដែលមានចំណូលមធ្យមកម្រិតទាប កាលពីឆ្នាំ២០១៦ កន្លងទៅ៕