ប្រជាជននៅលើកោះ១ នឹងត្រូវជម្លៀសមិនឲ្យរស់នៅទីនោះជារៀងរហូត

2018-04-20 06:09:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រជាពលរដ្ឋរស់នៅលើកោះ Ambae ដែលស្ថិតនៅតំបន់ប៉ាស៊ីហ្វិក ក្នុងប្រទេស Vanuatu នឹងត្រូវផ្លាស់ប្ដូរទីជម្រករបស់ខ្លួនទៅទីកន្លែងថ្មីផ្សេងទៀត ដោយនឹងមិនត្រឡប់មករស់នៅលើកោះនោះវិញឡើយ។ ការជម្លៀសខ្លួននេះ ធ្វើឡើងបន្ទាប់ពីភ្នំភ្លើងដ៏សកម្មមួយនៅលើកោះ បានចាប់ផ្ដើមផ្ទុះ ហើយព្រួសជាតិហ្គាស និងផេះជាច្រើន កាលពីពេលថ្មីៗ។

ភ្នំភ្លើងនៅកោះ Ambae/ រូបភាព៖ Reuters

រដ្ឋាភិបាល Vanuatu នឹងរៀបចំជម្លៀសប្រជាជនប្រមាណជា ១៣០០០នាក់ចេញពីទីនោះ ខណៈដែលផ្នែកមួយចំនួននៃកោះ Ambae កំពុងគ្របដណ្ដប់ដោយផេះកម្រាស់ដល់ទៅ ៣សង់ទីម៉ែត្រ ដែលជាហេតុបណ្ដាលឲ្យប៉ះពាល់សុខភាពមនុស្សយ៉ាងធ្ងន់ធ្ងរ។ ក្រោយភ្នំភ្លើងនៅលើកោះផ្ទុះ ប្រជាជនចាប់ផ្ដើមពិបាកក្នុងការដកដង្ហើម ខ្វះខាតទឹកនិងអាហារ ឯខ្លះទៀតកើតមានបញ្ហាស្បែក។

ផេះគ្របដណ្ដប់លើផ្នែកមួយចំនួននៃកោះ Ambae/ រូបភាព៖ ហ្វេសប៊ុក William S. Mala

នេះជាការជម្លៀសខ្លួនប្រជាជនទាំងស្រុងជាលើកទី២ហើយក្នុងរយៈពេល៦ខែកន្លងមកនេះចេញពីកោះដែលកើតមានបំផ្ទុះភ្នំភ្លើងនៅក្នុងប្រទេស Vanuatu។ ការជម្លៀសខ្លួនលើកមុនធ្វើឡើងនៅកោះ Monaro៕