ចំនួនគណបក្សនយោបាយ ដែលបានចុះបញ្ជីនៅក្រសួងមហាផ្ទៃ គិតត្រឹមថ្ងៃទី២០មេសានេះ

2018-04-20 13:27:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគ្គនាយករដ្ឋបាលក្រសួងមហាផ្ទៃ លោក ប្រាក់ សំអឿន បានឲ្យដឹងថា គិតត្រឹមថ្ងៃទី២០ ខែមេសា ឆ្នាំ២០១៨ មានគណបក្សនយោបាយចំនួន ៣៧ បានចុះបញ្ជីរួចរាល់ហើយ នៅក្រសួងមហាផ្ទៃ។លោកបន្តថា ថ្មីៗនេះ ក៏មានគណបក្សនយោបាយថ្មី ២ទៀត កំពុងបំពេញនីតិវិធី ស្នើសុំបង្កើតគណបក្សនយោបាយផងដែរ។

គណបក្សខ្មែរតែមួយ ត្រូវបានក្រសួងមហាផ្ទៃប្រកាសទទួលស្គាល់ និងចុះបញ្ជីគណបក្សនយោបាយ កាលពីខែមីនា ឆ្នាំ២០១៨

លោក ប្រាក់ សំអឿន បានបញ្ជាក់ថា តាមច្បាប់ ប្រសិនបុគ្គល ឬក្រុមណាមួយ ចង់បង្កើតគណបក្សនយោបាយ ជាបឋម គឺត្រូវមានស្ថាបនិក ៧នាក់ សមាជិក ៨នាក់ និងអ្នកគាំទ្រ ៧ពាន់នាក់។ ក្រសួងមហាផ្ទៃ នឹងពន្លឿនការងារចុះបញ្ជីឲ្យគ្រប់គណបក្សនយោបាយទាំងអស់ឲ្យតែមានឯកសារគ្រប់គ្រាន់។

គួរបញ្ជាក់ដែរថា គណៈកម្មាធិការជាតិរៀបចំការបោះឆ្នោត គ.ជ.ប នឹងទទួលចុះឈ្មោះគណបក្សនយោបាយ និងបេក្ខជនតំណាងរាស្រ្ត សម្រាប់ការបោះឆ្នោតជ្រើសតាំងតំណាងរាស្រ្ត អាណត្តិទី៦ ចាប់ពីថ្ងៃទី៣០ ខែមេសា រហូតដល់ថ្ងៃទី១៤ ខែឧសភា ឆ្នាំ២០១៨។ ចំណែកការបោះឆ្នោតជ្រើសតាំងតំណាងរាស្ត្រ នីតិកាលទី៦ នឹងប្រព្រឹត្តធ្វើឡើងនៅថ្ងៃទី២៩ ខែកក្កដា ឆ្នាំ២០១៨៕

អត្ថបទ៖ លីហៀង