Chelsea ឡើងទៅដណ្ដើមពានជាមួយ Man Utd នៅវគ្គផ្ដាច់ព្រ័ត្រ FA Cup

2018-04-22 23:46:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមតោខៀវ Chelsea បានយកឈ្នះក្រុម Southampton ២-០ នៅវគ្គពាក់កណ្ដាលផ្ដាច់ព្រ័ត្រ FA Cup កាលពីយប់មិញ។ លទ្ធផលនេះ ជួយឲ្យក្រុមលោក Antonio Conte ឡើងទៅវគ្គផ្ដាច់ព្រ័ត្រ ដោយត្រូវប៉ះក្រុមបិសាចក្រហម Manchester United នាថ្ងៃទី១៩ ខែឧសភា ឆ្នាំ២០១៨។

២គ្រាប់របស់ Chelsea ស៊ុតបញ្ចូលទីដោយខ្សែប្រយុទ្ធបារាំង Olivier Giroud នៅដើមតង់ទី២ និង Alvaro Morata នៅនាទី ៨២ (ទស្សនាវីដេអូហាយឡាយ នៅផ្នែកខាងក្រោមនៃអត្ថបទ)។

ក្រោយឈ្នះការប្រកួត លោក Conte បាននិយាយថា៖ "វាពិតជាសំខាន់ណាស់សម្រាប់យើង ក្នុងការឡើងទៅវគ្គផ្ដាច់ព្រ័ត្រពានរង្វាន់នេះ ដោយសារតែយើងកំពុងយ៉ាប់យ៉ឺនខ្លាងនៅក្នុងលីគ"។ ចំណែកលោក Mark Hughes គ្រូបង្វឹក Southampton បាននិយាយដែរថា៖ "ការធ្លាយគ្រាប់ដំបូង គឺមិនងាយស្រួលនោះទេ។ យើងបានវាយបកវិញដែរ តែយើងគ្មានសំណាង។ យើងនឹងងាកទៅផ្ដោតលើការប្រកួតក្នុងលីគវិញ"។

សូមបញ្ជាក់ថា បច្ចុប្បន្នក្រុមទាំង២ សុទ្ធតែស្ថិតនៅទីតាំងមិនល្អរៀងខ្លួននៅក្នុងលីគ (Premier League) ពោលគឺ Chelsea ស្ថិតនៅលេខ៥ មិនអាចទៅលេងនៅ Champions League រដូវកាលក្រោយបានទេ បើតាមមិនទាន់ក្រុមលេខ៤ Spurs ដែលកំពុងនាំមុខ ៥ពិន្ទុ ខណៈ Southampton ស្ថិតនៅតំបន់ដែលត្រូវកាត់ចោល៕