សម្ដេច ហ៊ុន សែន នឹងចេញទៅចូលរួមកិច្ចប្រជុំកំពូលអាស៊ាន នៅចុងសប្ដាហ៍នេះ
- 2018-04-24 06:27:27
- ចំនួនមតិ 0 | ចំនួនចែករំលែក 0
សម្ដេច ហ៊ុន សែន នឹងចេញទៅចូលរួមកិច្ចប្រជុំកំពូលអាស៊ាន នៅចុងសប្ដាហ៍នេះ
ចន្លោះមិនឃើញ
សម្តេច ហ៊ុន សែន នាយករដ្ឋមន្រ្តីកម្ពុជា នឹងដឹកនាំគណៈប្រតិភូជាន់ខ្ពស់កម្ពុជា ទៅចូលរួមកិច្ចប្រជុំកំពូលអាស៊ានលើកទី៣២ ដែលប្រព្រឹត្តទៅពីថ្ងៃទី ២៧ ដល់ថ្ងៃទី២៨ ខែមេសា ឆ្នាំ២០១៨ នៅប្រទេសសិង្ហបុរី។ ការអញ្ជើញទៅចូលរួមកិច្ចប្រជុំនេះ គឺតបតាមការអញ្ជើញរបស់ ឯកឧត្តម លី សៀន ឡុង នាយករដ្ឋមន្ត្រីសិង្ហបុរី និងជាប្រធានកិច្ចប្រជុំកំពូល។កិច្ចប្រជុំកំពូលអាស៊ានលើកទី៣២ នឹងធ្វើឡើងក្រោមមូលបទ “ភាពរឹងមាំ និងនវានុវត្តន៍របស់អាស៊ាន”។
ក្រៅពីកិច្ចប្រជុំកំពូលអាស៊ានលើកទី៣២ ប្រមុខរាជរដ្ឋាភិបាលកម្ពុជានឹងជួបពិភាក្សាការងារទ្វេភាគីជាមួយ ថ្នាក់ដឹកនាំរបស់ប្រទេសអាស៊ានមួយចំនួនផងដែរ។ ចំណែកឥស្សរជនកម្ពុជា ដែលនឹងអញ្ជើញអមដំណើរសម្តេចនាយករដ្ឋមន្រ្តី រួមមាន៖
លោក ប្រាក់ សុខុន ទេសរដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិ
លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម
លោក បណ្ឌិត ហង់ ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា៕