ទីក្រុងវៀតណាម៣ នឹងក្លាយជាផ្នែកនៃបណ្ដាញទីក្រុងអាស៊ានឆ្លាតវៃ

2018-04-26 03:37:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយករដ្ឋមន្ត្រីសិង្ហបុរី លោកលី សៀនឡុង បានប្រកាសកាលពីថ្ងៃទី២៥ មេសាម្សិលមិញថា ទីក្រុងហាណូយ ហូជីមីញ និងដាណាង នឹងក្លាយជាផ្នែកនៃគម្រោងបណ្ដាញទីក្រុងអាស៊ានឆ្លាតវៃ ដែលជាគំនិតផ្ដួចផ្ដើមរបស់ប្រទេសសិង្ហបុរី។ ការលើកឡើងរបស់លោក លី បានធ្វើឡើង ក្នុងជំនួបទទួលទានអាហារពេលល្ងាចមួយក្នុងទីក្រុងសិង្ហបុរី ជាមួយនឹងលោកនាយករដ្ឋមន្ត្រីវៀតណាម Nguyen Xuan Phuc ដែលនឹងមានវត្តមានក្នុងកិច្ចប្រជុំកំពូលអាស៊ាននាពេលមុខ។

លោក លី បានធ្វើឡើង ក្នុងជំនួបទទួលទានអាហារពេលល្ងាចមួយក្នុងទីក្រុងសិង្ហបុរី ជាមួយនឹងលោកនាយករដ្ឋមន្ត្រីវៀតណាម Nguyen Xuan Phuc។ (រូបភាព៖ ST/DESMOND WEE)

យោងតាមទីភា្នក់ងារសារព័ត៌មាន Straitstimes បានស្រង់សម្ដីលោក លី ដូច្នេះថា៖ "ខ្ញុំបានទៅទស្សនាទីក្រុងទាំងបីនេះ អំឡុងពេលទស្សនកិច្ចរយៈពេល២ថ្ងៃរបស់ខ្ញុំទៅកាន់ប្រទេសវៀតណាម កាលឆ្នាំមុន ហើយខ្ញុំពិតជាភ្ញាក់ផ្អើលជាមួយនឹងការអភិវឌ្ឍយ៉ាងលឿនរបស់ទីក្រុងទាំងនេះណាស់។ ទីក្រុងទាំងបីនេះ នឹងត្រូវសម្រេចដាក់ចូលក្នុងបណ្ដាញទីក្រុងអាស៊ានឆ្លាតវៃ។"

យោងតាមទីភ្នាក់ងារខាងលើដដែល បានបញ្ជាក់ថា ប្រទេសអាស៊ានទាំង១០ បានដាក់បញ្ចូលទីក្រុងរបស់ខ្លួនចំនួន ២៦ ទៅជាផ្នែករបស់បណ្ដាញនេះរួចហើយ។

យ៉ាងណាមិញ ប្រទេសអាស៊ានទាំងអស់ រំពឹងនឹងចេញជាសេចក្ដីថ្លែងការណ៍មួយ ជាមួយនឹងព័ត៌មានលម្អិតនៅថ្ងៃសុក្រ ទី២៧ មេសាឆ្នាំខាងមុខ។

លោកនាយករដ្ឋមន្ត្រីវៀតណាម កំពុងធ្វើទស្សនកិច្ចរយៈពេល៣ថ្ងៃ ដើម្បីចូលរួមកិច្ចប្រជុំកំពូលអាស៊ាន នាប្រទេសសិង្ហបុរី។(រូបភាព៖ ST/DESMOND WEE)

សូមជម្រាបថា បណ្ដាញទីក្រុងឆ្លាតអាស៊ាន ត្រូវបានបង្កើតឡើងក្នុងគោលបំណងធ្វើឲ្យប្រសើរឡើងនូវការភ្ជាប់វិស័យហេដ្ឋារចនាសម្ព័ន្ធឌីជីថល និងសេវាកម្មដូចជាការទូទាត់ប្រាក់តាមប្រព័ន្ធអនឡាញ(e-payments)ពាសពេញតំបន់អាស៊ានជាដើម៕

ប្រភព៖ Straits Times ប្រែសម្រួល៖ អឹុម ម៉េងស៊ាង