ទីក្រុងវៀតណាម៣ នឹងក្លាយជាផ្នែកនៃបណ្ដាញទីក្រុងអាស៊ានឆ្លាតវៃ
- 2018-04-26 03:37:14
- ចំនួនមតិ 0 | ចំនួនចែករំលែក 0
ទីក្រុងវៀតណាម៣ នឹងក្លាយជាផ្នែកនៃបណ្ដាញទីក្រុងអាស៊ានឆ្លាតវៃ
ចន្លោះមិនឃើញ
នាយករដ្ឋមន្ត្រីសិង្ហបុរី លោកលី សៀនឡុង បានប្រកាសកាលពីថ្ងៃទី២៥ មេសាម្សិលមិញថា ទីក្រុងហាណូយ ហូជីមីញ និងដាណាង នឹងក្លាយជាផ្នែកនៃគម្រោងបណ្ដាញទីក្រុងអាស៊ានឆ្លាតវៃ ដែលជាគំនិតផ្ដួចផ្ដើមរបស់ប្រទេសសិង្ហបុរី។ ការលើកឡើងរបស់លោក លី បានធ្វើឡើង ក្នុងជំនួបទទួលទានអាហារពេលល្ងាចមួយក្នុងទីក្រុងសិង្ហបុរី ជាមួយនឹងលោកនាយករដ្ឋមន្ត្រីវៀតណាម Nguyen Xuan Phuc ដែលនឹងមានវត្តមានក្នុងកិច្ចប្រជុំកំពូលអាស៊ាននាពេលមុខ។
យោងតាមទីភ្នាក់ងារខាងលើដដែល បានបញ្ជាក់ថា ប្រទេសអាស៊ានទាំង១០ បានដាក់បញ្ចូលទីក្រុងរបស់ខ្លួនចំនួន ២៦ ទៅជាផ្នែករបស់បណ្ដាញនេះរួចហើយ។
យ៉ាងណាមិញ ប្រទេសអាស៊ានទាំងអស់ រំពឹងនឹងចេញជាសេចក្ដីថ្លែងការណ៍មួយ ជាមួយនឹងព័ត៌មានលម្អិតនៅថ្ងៃសុក្រ ទី២៧ មេសាឆ្នាំខាងមុខ។
សូមជម្រាបថា បណ្ដាញទីក្រុងឆ្លាតអាស៊ាន ត្រូវបានបង្កើតឡើងក្នុងគោលបំណងធ្វើឲ្យប្រសើរឡើងនូវការភ្ជាប់វិស័យហេដ្ឋារចនាសម្ព័ន្ធឌីជីថល និងសេវាកម្មដូចជាការទូទាត់ប្រាក់តាមប្រព័ន្ធអនឡាញ(e-payments)ពាសពេញតំបន់អាស៊ានជាដើម៕