ថៃ ព្រមានចាប់កសិករលក់ទុរេនដាក់គុក

2018-04-26 06:32:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយកដ្ឋានពង្រឹងកសិកម្មប្រទេសថៃ បានណែនាំឲ្យគ្រប់បណ្ដាខេត្តនីមួយៗចាត់តាំងអ្នកត្រួតពិនិត្យ ដើម្បីតាមដានក្រុមកសិករដែលលក់ផ្លែទុរេនមិនទាន់ទុំនៅលើទីផ្សារ។

ខណៈនេះជារដូវដែលសម្បូរទៅដោយទុរេន ហើយតម្រូវការទីផ្សារក៏មានច្រើន ជាពិសេសនោះគឺតម្លៃទុរេនបានឡើងថ្លៃខ្ពស់។ នៅថៃ ទុរេន១គីឡូមានតម្លៃប្រមាណ ១៤០០០រៀល។ ដោយសារតែតម្លៃថ្លៃបែបនេះ ថៃបានបង្ហាញក្ដីព្រួយបារម្ភថា កសិករអាចនឹងប្រញាប់ប្រមូលលក់ទិន្នផលទុរេនទៅលើទីផ្សារទាំងផ្លែនោះមិនទាន់ទុំត្រឹមត្រូវ។ ការធ្វើដូច្នេះ អាចបណ្ដាលឲ្យប្រទេសថៃខូចឈ្មោះលើផ្នែកស្តង់ដារលក់ប្រភេទស្ដេចផ្លែឈើនេះ។

នាយកដ្ឋានពង្រឹងកសិកម្មថៃ បានប្រកាសថា ក្នុងករណីណាដែលរកឃើញកសិករលក់ទុរេនមិនទាន់ទុំ នោះពួកគេនឹងអាចរងការពិន័យជាប្រាក់រហូតដល់ ១៩០០ដុល្លារ និងអាចជាប់ពន្ធនាគាររយៈពេល៣ឆ្នាំថែមទៀតផង៕