ដឹងថ្ងៃបើកការដ្ឋានពង្រីកផ្លូវជាតិលេខ៥ ពីព្រែកក្តាម ទៅពោធិ៍សាត់ ជាផ្លូវការហើយ

2018-04-29 06:49:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន នឹងអញ្ជើញធ្វើជាអធិបតីក្នុងពិធីបើកការដ្ឋានពង្រីកផ្លូវជាតិលេខ៥ ពីព្រែកក្តាម ខេត្តកណ្តាល ទៅធ្លាម្អម ខេត្តពោធិ៍សាត់ នៅថ្ងៃទី២១ ខែឧសភា ឆ្នាំ២០១៨ខាងមុខនេះ។ នេះបើតាមការបញ្ជាក់របស់លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន នៅក្នុងពិធីបើកឲ្យដំណើការបណ្តោះអាសន្នរថភ្លើងដឹកអ្នកដំណើរពីសិរីសោភ័ណ-បាត់ដំបង នាព្រឹកថ្ងៃទី២៩ ខែមេសា ឆ្នាំ២០១៨។

សកម្មភាពថែទាំផ្លូវជាតិលេខ៥ អនុវត្តដោយមន្ទីរសាធារណការ និងដឹកជញ្ជូន ខេត្តកំពង់ឆ្នាំង នាថ្ងៃទី៤ ដល់ថ្ងៃទី៥ ខែកញ្ញា ឆ្នាំ២០១៧ (រូបថត៖ វិបសាយ CPP)

សូមបញ្ជាក់ថា កំណាត់ផ្លូវជាតិលេខ៥ពីព្រែកក្តាម-ធ្លាម្អមនេះ នឹងត្រូវពង្រីកពី២គន្លង ទៅ៤គន្លង ប្រវែងជាង ១៣៥គីឡូម៉ែត្រ។ ការសាងសង់កំណាត់ផ្លូវនេះ ត្រូវចំណាយ ២៤៦,៣៥លានដុល្លារ ជាជំនួយរបស់ជប៉ុន ដោយប្រើរយៈពេល៤ឆ្នាំ។ កំណាត់ផ្លូវនេះគឺជាផ្នែក១ នៃគម្រោងពង្រីកផ្លូវជាតិលេខ៥ ពីភ្នំពេញ ទៅប៉ោយប៉ែត ដែលមានចម្ងាយសរុប ៤០០គីឡូម៉ែត្រ៕

អត្ថបទទាក់ទង៖

អត្ថបទ៖ សំភី