ទីបំផុត De Gea បំបែកកំណត់ត្រាមួយរបស់ Ronaldo បានហើយ

2018-05-02 04:47:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកចាំទីដៃស្អិត David de Gea បានបំបែកកំណត់ត្រារបស់ Cristiano Ronaldo ដោយឈ្នះពានរង្វាន់កីឡាករឆ្នើមប្រចាំឆ្នាំ ចំនួន ៤លើក នៅក្លឹបបាល់ទាត់ Manchester United ។ អ្នកចាំទីសញ្ជាតិអេស្ប៉ាញដដែល បានឈ្នះពានរង្វាន់កីឡាករឆ្នើមរបស់ Man Utd លើស Ronaldo ចំនួន ១លើក។

De Gea ឈ្នះពានរង្វាន់កីឡាករឆ្នើមប្រចាំឆ្នាំរបស់ Man Utd (រូបភាព៖ Manchester United)

ជាមួយគ្នានេះ អ្នកចាំទីសញ្ជាតិអេស្ប៉ាញខាងលើ ត្រូវគេចាត់ទុកជាអ្នកចាំទីឆ្នើមបំផុតនៅក្នុងប្រវត្តិសាស្ត្ររបស់ក្រុមបិសាចក្រហម។ De Gea បានតាមស្មើកំណត់ត្រារបស់លោក Matt Busby ដែលធ្លាប់ឈ្នះពានរង្វាន់កីឡាករឆ្នើមរបស់ក្រុមបិសាចក្រហមចំនួន ៤លើក ក្នុងរយៈពេល ៥រដូវកាល។ អ្នកចាំទីវ័យ២៧ឆ្នាំរូបនេះ ធ្វើបានដូចគ្នា ដោយឈ្នះពីឆ្នាំ២០១៤ ដល់ ២០១៦ និងចុងក្រោយក្នុងឆ្នាំ២០១៨នេះ (ឆ្នាំ២០១៧ ឈ្នះដោយ ខ្សែបម្រើ Ander Herrera)។

សូមបញ្ជាក់ថា De Gea ឈ្នះពានរង្វាន់ខាងលើច្រើនជាងអតីតកីឡាកររបស់ Man Utd ដូចជា Ronaldo ដែលធ្លាប់ឈ្នះ៣លើក, Eric Cantona ២លើក, Roy Keane ២លើក និង Wayne Rooney ២លើក។

គួររំឭកថា De Gea ត្រូវបានជ្រើសរើសជាអ្នកចាំទីរបស់ក្រុមឆ្នើមប្រចាំឆ្នាំ នៅរដូវកាល២០១៧-១៨នេះ (PFA Premier League Team of the Year) ផងដែរ៕

ប្រភព៖ Goal ប្រែសម្រួល៖ លាភ.