Brighton អាចបន្តលេងនៅ EPL ១រដូវកាលទៀត ក្រោយយកឈ្នះ Man Utd

2018-05-05 03:22:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹប Brighton បានយកឈ្នះក្រុមបិសាចក្រហម Manchester United ដោយលទ្ធផល ១-០ ក្នុងការប្រកួតសប្ដាហ៍ទី៣៦ ក្របខ័ណ្ឌ English Premier League នៅកីឡដ្ឋានរបស់ខ្លួន កាលពីយប់មិញ។ ជ័យជម្នះនេះ មានន័យថា Brighton ដែលបានឡើងមកក្របខ័ណ្ឌ EPL ក្នុងរដូវកាល២០១៧-១៨នេះ បានរក្សាកៅអីរបស់ខ្លួននៅលីគកំពូលអង់គ្លេស ចំនួន ១រដូវកាលទៀត។

កីឡាករ Pascal Gross តែតបញ្ចូលទីខាង Man Utd បានសម្រេច ទោះបីជា Rojo ព្យាយាមទាត់បាល់ចេញពីក្នុងខ្សែបន្ទាត់ក៏ដោយ (រូបថត៖ Reuters)

Brighton យកឈ្នះ ដោយការតែតបញ្ចូលទីពីកីឡាករ Pascal Gross នៅនាទី៥៧។ គ្រាប់បាល់នេះ ត្រូវបានខ្សែការពារ Marco Rojo របស់ Man Utd ទាត់ចេញពីក្នុងខ្សែបន្ទាត់ ដូច្នេះអាជ្ញាកណ្ដាលបានសម្រេចផ្ដល់ឲ្យម្ចាស់ផ្ទះ Brighton ។

ទោះជាយ៉ាងនេះ Brighton នៅសល់ការប្រកួត ២លើកចុងក្រោយ ដែលសុទ្ធតែជាការប្រកួតដ៏លំបាក ដោយត្រូវប៉ះក្រុមខ្លាំង Manchester City និង Liverpool ក្នុងសប្ដាហ៍ទី៣៧ និង ៣៨។ បច្ចុប្បន្ន Brighton មាន ៤០ពិន្ទុ ឈរនៅលេខរៀងទី១១។

ចំណែក Man Utd ទោះទទួលបរាជ័យក្ដី ក៏នៅតែបន្តឈរលេខ២ និងបានកក់កៅអីសម្រាប់លេងនៅពានរង្វាន់ UEFA Champions League រដូវកាល២០១៨-១៩ រួចជាស្រេច៕