កម្ពុជា ធ្លាប់ធ្វើបានល្អបំផុតនៅពាន HBT របស់ព្រុយណេ កាលពីឆ្នាំណា?

2018-05-05 07:13:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ពានរង្វាន់ Hassanal Bolkiah Trophy ត្រូវបានបង្កើតឡើង និងប្រកួតជាលើកដំបូងកាលពីឆ្នាំ២០០២។មុនឆ្នាំ២០១៨នេះ សហព័ន្ធកីឡាបាល់ទាត់ព្រុយណេ បានរៀបចំព្រឹត្តិការណ៍នេះចំនួន៥លើករួចមកហើយ ពោលគឺក្នុងឆ្នាំ២០០២, ២០០៥, ២០០៧, ២០១២ និង ឆ្នាំ២០១៤។

កីឡាករ U21 កម្ពុជា កំពុងស្ដាប់ការណែនាំរបស់លោក ប្រាក់ សុវណ្ណារ៉ា ក្នុងបន្ទប់ផ្លាស់សម្លៀកបំពាក់ (រូបថត៖ សហព័ន្ធកីឡាបាល់ទាត់កម្ពុជា)

ចំពោះក្រុមកម្ពុជា មិនធ្លាប់ចូលរួមតែ១ម្ដងគត់ គឺក្នុងឆ្នាំ២០០៥។ ចំណែកឆ្នាំដែលកម្ពុជា ធ្វើបានល្អបំផុត គឺឆ្នាំ២០០៧ ដោយអាចឈានដល់វគ្គពាក់កណ្ដាលផ្តាច់ព្រ័ត្រ តែចាញ់ថៃ ១០-១ ដោយទទួលបានលេខ៣ ដូចក្រុមម៉ាឡេស៊ីដែរ។

នៅយប់ម៉ោង ៧:៣០ នាទី ថ្ងៃទី៥ឧសភានេះ ក្រុម U21 កម្ពុជា នឹងត្រូវប៉ះក្រុម U21 ទីម័រខាងកើត នៅវគ្គផ្ដាច់ព្រ័ត្រ ហើយប្រសិនបើកម្ពុជា យកឈ្នះទីម័រ នោះកម្ពុជានឹងក្លាយជាប្រទេសទី៥ ដែលឈ្នះពានរង្វាន់ខាងលើ បន្ទាប់ពីប្រទេសថៃ (ឈ្នះ២លើក), ឥណ្ឌូណេស៊ី (១លើក), ព្រុយណេ (១លើក) និង មីយ៉ាន់ម៉ា (១លើក)៕

គួររំឭកថា មុនឈានដល់វគ្គនេះ កម្ពុជា ប្រកួតចាញ់ឡាវ ១-០ និងឈ្នះសិង្ហបុរី ២-១ នៅវគ្គសន្សំពិន្ទុ។ ហើយនៅវគ្គពាក់កណ្ដាលផ្តាច់ព្រ័ត្រ ថ្មីៗនេះ កម្ពុជាបានយកឈ្នះ មីយ៉ាន់ម៉ា ដោយលទ្ធផល ២-១៕

អត្ថបទ៖ លាភ.