គ្រូជម្រើសជាតិ និយាយរឿង ឆេង ម៉េង ដែលបានកាតក្រហមនៅវគ្គផ្តាច់ព្រ័ត្រ HBT2018

2018-05-07 04:15:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ប្រាក់ សុវណ្ណារ៉ា ដែលដឹកនាំក្រុមជម្រើសជាតិ U21 កម្ពុជា នៅពានរង្វាន់ Hassanal Bolkiah Trophy 2018 កាលពីពេលថ្មីៗនេះ បានឲ្យដឹងថា កីឡាករ ឆេង ម៉េង បានសន្យាថា ខ្លួននឹងមិនបង្កើតឲ្យមានកំហុសដដែលជាលើកទី២ឡើយ។ ចំពោះកំហុសដែលគេបានសាងឡើងនោះ គឺគេព្រមទទួលយកការរិះគន់គ្រប់បែបយ៉ាងពីសំណាក់អ្នកគាំទ្រ។

លោក ប្រាក់ សុវណ្ណារ៉ា នៅពហុកីឡដ្ឋានជាតិ នាពេលកន្លងទៅ

ឆេង ម៉េង បានទទួលក្រហមក្នុងការប្រកួតវគ្គផ្ដាច់ព្រ័ត្រ ដែលកម្ពុជា ចាញ់ ទីម័រខាងកើត ដោយលទ្ធផល ០-១ កាលពីចុងសប្ដាហ៍កន្លងទៅ។ កីឡាករពាក់លេខ៣ រូបនេះ បានទាត់បាល់ទៅបុកកីឡាកររបស់ទីម័រដែលដួល ហើយបានបញ្ចេញកាយវិការមិនសមរម្យ នៅពេលប៉ះទង្គិចជាមួយអ្នកចាំទីរបស់ទីម័រ។

ឆេង ម៉េង ទាត់បាល់ទៅបុកកីឡាករទីម័រដែលកំពុងដួល

សូមបញ្ជាក់ថា ក្រុមជម្រើសជាតិកម្ពុជាក្រោមអាយុ ២១ ឆ្នាំបានត្រឡប់មកដល់ទឹកដីកំណើតវិញកាលពីយប់ថ្ងៃទី៦ ខែឧសភា ឆ្នាំ២០១៨ ក្រោយទទួលបានជើងឯករងពានស្ដេចប្រ៊ុយណេខាងលើ។

ក្នុងព្រឹត្តិការណ៍នេះ កម្ពុជាបានប្រកួតចាញ់ឡាវកាលវគ្គសន្សំពិន្ទុ ២-១ និងបានឡើងទៅកាន់វគ្គពាក់កណ្ដាលផ្ដាច់ព្រ័ត្រដោយការយកឈ្នះសិង្ហបុរី ១-០។ ចំពោះនៅវគ្គពាក់កណ្ដាលផ្ដាច់ព្រ័ត្រវិញ U21 កម្ពុជាបានយកឈ្នះមីយ៉ាន់ម៉ា ២-១៕

ប្រភព៖ Sabay News ប្រែសម្រួល៖ លាភ.