ពេលវេលានៃការបើកឱ្យប្រើប្រាស់ស្ពានដែកបាឡេឆ្លងកាត់ទន្លេសាប

2018-05-07 14:28:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងថា ស្ពានដែកបាឡេឆ្លងកាត់ទន្លេសាបពីខណ្ឌឫស្សីកែវ ទៅខណ្ឌជ្រោយចង្វារ នឹងត្រូវសម្ពោធដាក់ឱ្យប្រើប្រាស់ នៅរសៀលថ្ងៃទី៨ ខែឧសភា ឆ្នាំ២០១៨ ក្រោមអធិបតីភាពលោក ឃួង ស្រេង អភិបាលរាជធានីភ្នំពេញ។

ស្ពានដែកបាឡេ នាពេលរាត្រី។ រូបថត៖ FB មន្ទីរសាធារណការ និងដឹកជញ្ជូនរាជធានីភ្នំពេញ

សូមបញ្ជាក់ថា ស្ពានដែកបាឡេនេះ ត្រូវបានចាប់ផ្តើមសាងសង់នៅថ្ងៃទី២៤ ខែតុលា ឆ្នាំ២០១៧ និងបញ្ចប់នៅថ្ងៃទី៥ ខែឧសភា ឆ្នាំ២០១៨ ដោយមានរយៈពេលសាងសង់ ៦ខែ ១១ថ្ងៃ។ ស្ពាននេះ មានប្រវែងសរុប ៦៥៥ម៉ែត្រ ក្នុងនោះតួស្ពានប្រវែង ៥០៥ម៉ែត្រ គល់ស្ពានសងខាងប្រវែង ១៥០ម៉ែត្រ និងទទឹងស្ពាន ១២ម៉ែត្រ។

ស្ពានដែកនេះ ត្រូវបានសាងសង់ឡើងដើម្បីសម្រួលដល់ប្រជាពលរដ្ឋដែលត្រូវធ្វើដំណើរឆ្លងទៅមកកាត់តាមទន្លេសាប ពីផ្លូវជាតិលេខ៥ ក្នុងខណ្ឌប្ញស្សីកែវ និងផ្លូវជាតិលេខ៦ ក្នុងខណ្ឌជ្រោយចង្វារ។ ជាមួយគ្នានេះ ស្ពាននេះនឹងជួយបម្រើការងារ ការដ្ឋានសាងសង់ស្ពានបេតុងអាមេ និងជួយសម្រួលចរាចរណ៍នៅស្ពានជ្រោយចង្វារចាស់ ដែលកំពុងដំណើរការជួសជុលផងដែរ៕

អត្ថបទទាក់ទង៖ លម្អិតអំពីស្ពានដែកបាឡេឆ្លងកាត់ទន្លេសាប

អត្ថបទ៖ សំភី