បារាំង គំរាមវាយប្រហារស៊ីរីជាថ្មី បើសិនរកឃើញភស្តុតាង១នេះ

2018-05-08 07:51:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសបារាំង អាចនឹងបើកការវាយប្រហារលើប្រទេសស៊ីរីសាជាថ្មី បើសិនជាមានរបាយការណ៍ណាមួយ រកឃើញថា របបដឹកនាំរបស់លោក Bashar al-Assad បើកការវាយប្រហារថ្មីផ្សេងទៀត ដោយប្រើប្រាស់អាវុធគីមីទៅលើប្រជាជនខ្លួន។ នេះបើតាមការបញ្ជាក់របស់រដ្ឋមន្ត្រីក្រសួងការពារជាតិបារាំង លោកស្រី Florence Parley នៅថ្ងៃទី ០៨ ឧសភា ឆ្នាំ២០១៨នេះ។

លោកស្រី Florence Parley ថ្លែងនាពេលកន្លងមក

លោកស្រី Parley បាននិយាយទៅកាន់វិទ្យុក្នុងស្រុកមួយដូច្នេះថា៖ "គោលបំណងនៃការវាយប្រហារប្រឆាំងនឹងប្រទេសស៊ីរីនេះ គឺធ្វើឡើងដើម្បីរារាំងមិនឲ្យរបបដឹកនាំរបស់លោក Bashar al-Assad បើកការវាយប្រហារដោយប្រើប្រាស់អាវុធគីមីជាថ្មីម្ដងទៀតទៅលើប្រជាជាតិខ្លួន។ តែបើសិនជារឿងនេះ កើតឡើងមែន យើងអាចនឹងធ្វើការពិចារណាទៅលើការវាយប្រហារដែនអាកាសម្ដងទៀតបាន។"

គួររម្លឹកថា កាលពីព្រឹកថ្ងៃទី១៤ ខែមេសា ឆ្នាំ២០១៨ សហរដ្ឋអាមេរិក អង់គ្លេស និងបារាំង បានបញ្ជូនកម្លាំងវាយប្រហារដែនអាកាសលើប្រទេសស៊ីរី។ ប្រតិបត្តិការរួមគ្នានេះ ជាការឆ្លើយតបនឹងប្រទេសស៊ីរីចំពោះការវាយប្រហារដោយអាវុធគីមីដាក់ប្រជាជនខ្លួនកាលពីថ្ងៃ ០៧ មេសាកន្លងទៅ ដែលបណ្ដាលឲ្យមនុស្សជាច្រើននាក់បានស្លាប់៕

ប្រភព៖ Sputnik News ប្រែសម្រួល៖ អឹុម ម៉េងស៊ាង