សាលារាជធានីភ្នំពេញ ប្រាប់ពីមូលហេតុដែលចំណតរថយន្តក្រុងខ្លះគ្មានដំបូល

2018-05-10 01:50:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ម៉េត មាសភក្ដី អ្នកនាំពាក្យសាលារាជធានីភ្នំពេញ បានប្រាប់ឲ្យដឹងថា ការសាងសង់ចំណតសម្រាប់ជិះរថយន្តក្រុងសាធារណៈ ធ្វើឡើងទៅតាមទីតាំងភូមិសាស្ត្រ ដែលមានប្រជាពលរដ្ឋប្រើប្រាស់ច្រើន។ ទីតាំងខ្លះមានកន្លែងសម្រាប់អង្គុយជ្រក ឯខ្លះទៀតពុំមានដំបូលឡើយ ដោយសារតែវាមានសភាពតូចចង្អៀតពេក។

អ្នកនាំពាក្យរូបនេះ បានបញ្ជាក់ទៀតថា មានប្រទេសខ្លះក៏មានចំណតរថយន្តក្រុងដែលគ្មានដំបូលសម្រាប់ជ្រករង់ចាំ ដូចចំណតនៅរាជធានីភ្នំពេញមួយចំនួនផងដែរ។ យ៉ាងណាមិញ លោកបានអះអាងថា សាលារាជធានីនឹងនៅតែគិតគូរធ្វើចំណតរថយន្តក្រុង ដែលមានដំបូលជ្រកជាបន្តទៀត ដើម្បីសម្រួលដល់ប្រជាពលរដ្ឋ។

សូមជម្រាបថា សេវារថយន្តក្រុងសាធារណៈរបស់សាលារាជធានីភ្នំពេញ ត្រូវបានដាក់ឱ្យប្រើប្រាស់លើកដំបូង កាលពីឆ្នាំ២០០១ តែទទួលបរាជ័យ។ លុះដល់ឆ្នាំ២០១៤ សាលារាជធានីភ្នំពេញ បានដាក់ឱ្យប្រើសេវារថយន្តក្រុងសាធារណៈម្ដងទៀត ទើបទទួលបានជោគជ័យ ហើយបន្តរហូតដល់សព្វថ្ងៃ។ ការដាក់ឱ្យដំណើរការរថយន្តក្រុងសាធារណៈរបស់រដ្ឋនេះ គឺដើម្បីសម្រួលការកកស្ទះចរាចរណ៍ និងកាត់បន្ថយការចំណាយរបស់ប្រជាពលរដ្ឋ៕

ប្រភព៖ Vayo Fm ប្រែសម្រួល៖ ឈាង.