ប្រទេសមួយគំរាមផលិតគ្រាប់បែកនុយក្លេអ៊ែរ ប្រសិនអ៊ីរ៉ង់បន្តអភិវឌ្ឍនុយក្លេអ៊ែររបស់ខ្លួន

2018-05-10 02:20:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសអារ៉ាប៊ីសាអ៊ូឌីត ដែលជាសម្ព័ន្ធមិត្តរបស់អាមេរិកនៅក្នុងតំបន់អារ៉ាប់ បានបញ្ជាក់ថា ប្រទេសរបស់ខ្លួន នឹងផលិតគ្រាប់បែកនុយក្លេអ៊ែរ ប្រសិនបើប្រទេសអ៊ីរ៉ង់ បន្តការអភិវឌ្ឍកម្មវិធីផលិតអាវុធនុយក្លេអ៊ែររបស់ខ្លួន។ នេះបើតាមការបញ្ជាក់របស់លោក Adel al-Jubeir រដ្ឋមន្ត្រីក្រសួងការបរទេសប្រទេសអារ៉ាប៊ីសាអ៊ូឌីត។

លោក Adel al-Jubeir រដ្ឋមន្ត្រីក្រសួងការបរទេសប្រទេសអារ៉ាប៊ីសាអ៊ូឌីត

ការលើកឡើងរបស់ប្រមុខការទូតអារ៉ាប៊ីសាអ៊ូឌីតរូបនេះ គឺក្រោយលោក ដូណាល់ ត្រាំ ប្រធានាធិបតីអាមេរិក បានប្រកាសថា សហរដ្ឋអាមេរិកនឹងដកខ្លួនចេញពីកិច្ចព្រមព្រៀងនុយក្លេអ៊ែរជាមួយអ៊ីរ៉ង់ កាលពីថ្ងៃទី៨ ខែឧសភា ២០១៨ កន្លងទៅ។

ជាមួយគ្នានេះ ប្រមុខការទូតដដែលនេះ បានបញ្ជាក់ថា អារ៉ាប៊ីសាអ៊ូឌីតស្វាគមន៍ការដកខ្លួនរបស់សហរដ្ឋអាមេរិកចេញពីកិច្ចព្រមព្រៀងនុយក្លេអ៊ែរជាមួយអ៊ីរ៉ង់ គាំទ្រការសម្រេចដាក់ទណ្ឌកម្មសេដ្ឋកិច្ចលើប្រទេសអ៊ីរ៉ង់ និងបន្ដធ្វើការជាមួយដៃគូរបស់ខ្លួនដើម្បីដោះស្រាយបញ្ហាគ្រោះថ្នាក់នានា៕

ព្រះអង្គម្ចាស់ Mohammed bin Salman រដ្ឋមន្រ្តីក្រសួងការពារជាតិអារ៉ាប៊ីសាអ៊ូឌីត និងលោក ដូណាល់ ត្រាំ ប្រធានាធិបតីអាមេរិក អំឡុងជំនួបនៅក្រុង Riyadh កាលពីឆ្នាំ២០១៧

ប្រភព៖ RT ប្រែសម្រួល៖ វាសនា