មិនចាញ់តែ២ប្រកួតទៀត Barcelona នឹងបង្កើតប្រវត្តិសាស្ត្រមិនធ្លាប់មាននៅ La Liga

2018-05-10 02:20:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបអ្នកមានបុណ្យ Barcelona កំពុងស្ថិតនៅលើវិថីឆ្ពោះទៅកាន់ការបង្កើតកំណត់ត្រាថ្មីមួយនៅលីគកំពូលអេស្ប៉ាញសម័យថ្មី ដែលជាក្រុមមិនធ្លាប់ចាញ់សូម្បីតែ១ប្រកួត ក្នុងមួយរដូវកាលនៃក្របខ័ណ្ឌ La Liga កំពូលអេស្ប៉ាញ ដែលមាន ៣៨ប្រកួត។

Lionel Messi រកគ្រាប់ទី៣ ឲ្យ Barcelona ក្នុងតង់ទី១ ពីការលេង One-Two ជាមួយ Iniesta (រូបថត៖ Reuters)

កាលពីយប់មិញ Barcelona បានបំបាក់ក្រុមភ្ញៀវ Villarreal ដោយលទ្ធផល ៥-១ ដើម្បីបន្តក្ដីសង្ឃឹមក្នុងការបង្កើតកំណត់ត្រាខាងលើ។ ឆ្លងកាត់ ៣៦ប្រកួតកន្លងទៅ Barcelona ឈ្នះ ២៧ ស្មើ ៩ និងមិនធ្លាប់ចាញ់ឡើយ។ ២ប្រកួតចុងក្រោយ ក្រុមអ្នកមានបុណ្យត្រូវប៉ះ Levante និង Real Sociedad ។

គួរបញ្ជាក់ថា ក្រុមដែលមិនធ្លាប់ចាញ់ពេញមួយរដូវកាលនៅលីគកំពូលអេស្ប៉ាញ គឺក្លឹបអធិរាជស Real Madrid កាលពីរដូវកាល ១៩៣១-៣២ ដែលគ្រានោះ លីគកំពូលអេស្ប៉ាញមានត្រឹមតែ ១៨ប្រកួតប៉ុណ្ណោះក្នុងមួយរដូវកាល។

ទស្សនាវីដេអូ ការប្រកួតរវាង Barcelona និង Villarreal