អ៊ីស្រាអែលបាញ់មីស៊ីល ៧០គ្រាប់ ស្រោចលើស៊ីរី កាលពិីយប់មិញ

2018-05-10 09:20:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យន្តហោះចម្បាំងអ៊ីស្រាអែល ២៨ គ្រឿង បានបាញ់មីស៊ីលប្រមាណ ៦០ គ្រាប់ទៅលើប្រទេសស៊ីរី ត្រឹមរយៈពេល១យប់ប៉ុណ្ណោះ។ នេះបើតាមការចុះផ្សាយរបស់ភ្នាក់ងារ RT នៅថ្ងៃទី១០ ឧសភាឆ្នាំ២០១៨នេះ។

យ៉ាងណាក្តី កាលពីប៉ុន្មានម៉ោងមុននេះ សារព័ត៌មានរដ្ឋស៊ីរីបានរាយការណ៍ថា ការបាញ់មីស៊ីលរបស់អ៊ីស្រាអែល គឺសំដៅមកលើទីតាំងខែលមីស៊ីលរបស់ស៊ីរី ដែលបានកម្ទេចរ៉ាដា និងប្រព័ន្ធខែលមីស៊ីលរបស់ស៊ីរីមួយចំនួន។ តែក្នុងនោះ ខែលមីស៊ីលរបស់ស៊ីរី បានបាញ់ទម្លាក់មីស៊ីលអ៊ីស្រាអែលជាង ១០ គ្រាប់។

ត្រឡប់មកវិញ ខាងកងទ័ពអ៊ីស្រាអែលវិញបានបញ្ជាក់ថា កងទ័ពអាកាសរបស់ខ្លួនបានបើកការវាយប្រហារ គឺសំដៅលើមូលដ្ឋានរបស់អ៊ីរ៉ង់ នៅក្នុងប្រទេសស៊ីរី។ អ៊ីស្រាអែលបញ្ជាក់ទៀតថា ការវាយប្រហារនេះ ដោយសារទីតាំងរបស់កងទ័ពអ៊ីស្រាអែលនៅក្នុងតំបន់ Golan Heights បានរងការវាយប្រហារពីមីស៊ីលជាង ២០គ្រាប់ ដែលបាញ់ដោយកងទ័ពអ៊ីរ៉ង់។

សូមបញ្ជាក់ថា ប្រទេសអ៊ីស្រាអែលក៏ធ្លាប់បានលើកឡើងដែរថា ប្រទេសអ៊ីរ៉ង់បានបង្កើតមូលដ្ឋានកងទ័ពរបស់ខ្លួននៅក្នុងប្រទេសស៊ីរី ដើម្បីធ្វើការវាយប្រហារមកលើប្រទេសអ៊ីស្រាអែល៕

អត្ថបទទាក់ទង៖ ខែលមីស៊ីលស៊ីរី ត្រូវអ៊ីស្រាអែលប្រើមីស៊ីលពីអាកាស បាញ់កម្ទេចចោល

ប្រភព៖ RT ប្រែសម្រួល៖ អឹុម ម៉េងស៊ាង