ត្រឹមតែ១០ថ្ងៃ ក្រុមរបស់ធារី ចន្ថាប៊ីន សងសឹកដោយជោគជ័យលើ Pahang ដែលគ្មាន CV11

2018-05-12 01:39:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបាល់ទាត់ Terengganu របស់ខ្សែបម្រើកម្ពុជា ធារី ចន្ថាប៊ីន បានយកឈ្នះក្រុមម្ចាស់ផ្ទះ Pahang ដោយលទ្ធផល ០-១ កាលពីយប់មិញ ក្នុងជុំទី២ រដូវកាល២០១៨។ ជ័យជម្នះនេះ គឺបន្ទាប់ពី Terengganu ទទួលបរាជ័យកាលពីជុំទីមួយ ដោយ Pahang ក្នុងលទ្ធផល ៣-១ កាលពីថ្ងៃទី១ ខែឧសភា ឆ្នាំ២០១៨។

លទ្ធផល Pahang ០-១ Terengganu សប្ដាហ៍ទី១០ លីគកំពូលម៉ាឡេស៊ី (រូបភាព៖ Terengganu FC)

ចំពោះ Pahang បានទទួលបរាជ័យជាលើកដំបូង ក្នុងរយៈពេល៣ខែ ស្របពេលដែលក្លឹបមិនមានវត្តមានតារាបាល់ទាត់កម្ពុជា ចាន់ វឌ្ឍនាកា ជាលើកដំបូង បន្ទាប់ពីគ្រូបង្វឹកលោក Dollah Salleh បានសម្រេចចិត្តបញ្ចប់កុងត្រារបស់គេមុនកាលកំណត់ កាលពីប៉ុន្មានថ្ងៃមុនការប្រកួតខាងលើ។ បរាជ័យលើកចុងក្រោយរបស់ Pahang កើតឡើងកាលពីថ្ងៃទី៧ ខែកុម្ភៈ ឆ្នាំ២០១៨ ដោយក្រុម PKNS FC ក្នុងលទ្ធផល ១-០ នៅលីគកំពូលម៉ាឡេស៊ី សប្ដាហ៍ទី២។

ជម្រើស១១នាក់ដំបូងរបស់ Terengganu កាលពីយប់មិញ ពេលជួប Pahang (រូបថត៖ Terengganu FC)

សូមបញ្ជាក់ថា Terengganu ដែលមានវត្តមានរបស់ ធារី ចន្ថាប៊ីន ជាជម្រើស១១នាក់ដំបូង កាលពីយប់មិញ បានស៊ុតបញ្ចូលទី១គ្រាប់ និងជាគ្រាប់ជ័យជម្នះដោយខ្សែបម្រើ Faiz Nasir នៅនាទី៦២។

គិតត្រឹមសប្ដាហ៍ទី១០ Terengganu តាមពីក្រោយ Pahang ចំនួន ៣ពិន្ទុ ពោលគឺមាន ១៥ពិន្ទុ ដោយឈរលេខ៤៕

ទស្សនាវីដេអូ ការប្រកួតយប់មិញ