Man City បំបែកកំណត់ត្រាអ្វីខ្លះ ក្រោយបញ្ចប់រដូវកាល Premier League យប់មិញ?
- 2018-05-14 04:33:38
- ចំនួនមតិ 0 | ចំនួនចែករំលែក 0
Man City បំបែកកំណត់ត្រាអ្វីខ្លះ ក្រោយបញ្ចប់រដូវកាល Premier League យប់មិញ?
ចន្លោះមិនឃើញ
ក្រុម Manchester City បានឈ្នះជើងឯក Premier League តាំងពីនៅសល់ ៥ប្រកួតមុនចប់រដូវកាល ប៉ុន្តែក្រុមនេះ មិនបន្ធូរដៃក្នុងប្រកួតដែលនៅសល់នោះទេ ដើម្បីធ្វើយ៉ាងណា អាចបំបែកកំណត់ត្រាជាច្រើន។ ជាក់ស្ដែង ក្នុងប្រកួតបិទរដូវកាល ២០១៧-២០១៨ កាលពីយប់មិញនេះ ក្រុមរបស់លោក Pep Guardiola បានប្រឹងប្រែង រហូតយកឈ្នះ Southampton ១-០ នៅនាទីចុងក្រោយ ដើម្បីក្លាយជាក្រុមដំបូងគេក្នុងប្រវត្តិសាស្រ្ដលីកកំពូលអង់គ្លេស ដែលអាចរកបាន ១០០ពិន្ទុ ក្នុង១រដូវកាល។
តើ Man City បានក្ដោបយកកំណត់ត្រាសំខាន់ៗ អ្វីខ្លះ នៅ Premier League រដូវកាលនេះ?
ស៊ុតបញ្ចូលទីច្រើនគ្រាប់បំផុត៖ ១០៦គ្រាប់ (បបែកកំណត់ត្រាចាស់របស់ Chelsea ដែលធ្លាប់ធ្វើបាន ១០៣គ្រាប់ កាលពីរដូវកាល ២០០៩-២០១០)
ឈ្នះច្រើនប្រកួតបំផុត៖ ឈ្នះ ៣២ប្រកួត ក្នុង ៣៨ប្រកួត (បំបែកកំណត់ត្រាឈ្នះ ៣០ប្រកួតរបស់ Chelsea ដែលធ្វើបានកាលពីរដូវកាល ២០១៦-២០១៧)
រកបានច្រើនពិន្ទុបំផុត៖ ១០០ពិន្ទុ (បំបែកកំណត់ត្រាចាស់របស់ Chelsea រដូវកាល ២០០៤-២០០៥៖ ៩៥ពិន្ទុ)
ឈ្នះការប្រកួតក្រៅដី ច្រើនជាងគេ៖ ១៦ប្រកួត ក្នុងការប្រកួតក្រៅដី ១៩ប្រកួត (បំបែកកំណត់ត្រាចាស់របស់ Chelsea រដូវកាល ២០០៤-២០០៥៖ ឈ្នះក្រៅដី ១៥ប្រកួត)
រកបានពិន្ទុក្នុងការប្រកួតក្រៅដី បានច្រើនបំផុត៖ ៥០ពិន្ទុ (បំបែកកំណត់ត្រាចាស់របស់ Chelsea ដែលធ្លាប់រកបាន ៤៨ពិន្ទុក្រៅដី រដូវកាល ២០០៤-២០០៥)
មានគ្រាប់បាល់ចំណេញ (goal difference) ច្រើនបំផុត៖ +៧៩ (បំបែកកំណត់ត្រាចាស់របស់ Chelsea ដែលធ្លាប់មានគ្រាប់បាល់ចំណេញ +៧១ កាលពីរដូវកាល ២០០៩-២០១០)
មានគម្លាតពិន្ទុច្រើនបំផុតពីក្រុមលេខ២៖ លើសក្រុមលេខ ២ ចំនួន ១៩ពិន្ទុ (បំបែកកំណត់ត្រាចាស់របស់ Manchester United រដូវកាល ១៩៩៩-២០០០៖ លើសក្រុមលេខ២ ចំនួន ១៨ពិន្ទុ)៕