តើអាមេរិក-កូរ៉េខាងត្បូង កំពុងធ្វើសមយុទ្ធអ្វី បានកូរ៉េខាងជើងលុបចោលជំនួបចរចានៅព្រឹកនេះ?
- 2018-05-16 02:21:57
- ចំនួនមតិ 0 | ចំនួនចែករំលែក 0
តើអាមេរិក-កូរ៉េខាងត្បូង កំពុងធ្វើសមយុទ្ធអ្វី បានកូរ៉េខាងជើងលុបចោលជំនួបចរចានៅព្រឹកនេះ?
ចន្លោះមិនឃើញ
រដ្ឋាភិបាលក្រុងព្យុងយ៉ាង នៅថ្ងៃទី១៦ ខែឧសភា ២០១៨នេះ បានសម្រេចលុបចោលជំនួបចរចាកម្រិតខ្ពស់មួយជាមួយកូរ៉េខាងត្បូង ដោយសារការបន្ដធ្វើសមយុទ្ធទ្រង់ទ្រាយធំរួមគ្នារវាងកងទ័ពអាកាសរបស់សហរដ្ឋអាមេរិក និងកូរ៉េខាងត្បូង នៅឧបទ្វីបកូរ៉េ។ នេះបើតាមការបញ្ជាក់របស់ទីភ្នាក់ងារសារព័ត៌មានកូរ៉េខាងជើង KCNA នៅព្រឹកថ្ងៃទី១៦ ខែឧសភា ២០១៨នេះ។
ជាងនេះទៅទៀត កូរ៉េខាងជើងក៏បានគំរាមលុបចោលគម្រោងចរចាគ្នារវាងប្រធានាធិបតីអាមេរិក ដូណាល់ ត្រាំ និងមេដឹកនាំកូរ៉េខាងជើង គីម ជុងអ៊ុន នៅប្រទេសសិង្ហបុរី នៅថ្ងៃទី១២ ខែមិថុនា ២០១៨ ខាងមុខផងដែរ ដោយសារតែការធ្វើសមយុទ្ធទ្រង់ទ្រាយធំ "Max Thunder 2018" របស់អាមេរិក និងកូរ៉េខាងត្បូង។
តើសមយុទ្ធ "Max Thunder 2018” មានទ្រង់ទ្រាយបែបណា បានធ្វើឲ្យកូរ៉េខាងជើងក្ដៅស្លឹកត្រចៀក?
សមយុទ្ធ "Max Thunder 2018” ជាលំហាត់សមយុទ្ធទ្រង់ទ្រាយធំបំផុត មិនធ្លាប់មានពីមុនមក រវាងប្រទេសកូរ៉េខាងត្បូង និងសហរដ្ឋអាមេរិក ដែលមានរយៈពេល ២សប្ដាហ៍ ហើយបានចាប់ផ្ដើមកាលពីថ្ងៃសុក្រ សប្ដាហ៍មុន។ សមយុទ្ធនេះនឹងមានការចូលរួមពីយន្តហោះចម្បាំង ១០០គ្រឿង ដែលក្នុងនោះ រួមមាន យន្តហោះចម្បាំងដែលអាចគេចចេញពីប្រព័ន្ធរ៉ាដា F-22 ចំនួន ៨គ្រឿង និងយន្តហោះទម្លាក់គ្រាប់បែក B-52 មួយចំនួនទៀតរបស់អាមេរិក និងយន្តហោះចម្បាំង F-15k របស់កូរ៉េខាងត្បូង។
សូមបញ្ជាក់ថា យន្តហោះទម្លាក់គ្រាប់បែក B-52 របស់អាមេរិក ដែលគ្រោងប្រើដើម្បីធ្វើសមយុទ្ធនេះ គឺយកមកពីមូលដ្ឋានកងទ័ពអាមេរិក នៅកោះ Guam៕
អត្ថបទទាក់ទង កូរ៉េខាងជើង លុបចោលជំនួបចរចាកម្រិតខ្ពស់ជាមួយកូរ៉េខាងត្បូង