អតីតគ្រូបង្វឹកជម្រើសជាតិ បកស្រាយរឿងដែលថាលោកមកដឹកនាំនៅកម្ពុជាវិញ

2018-05-16 13:25:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Leonardo Vitorino អតីតគ្រូបង្វឹកក្រុមបាល់ទាត់ជម្រើសជាតិកម្ពុជា បានប្រាប់តាមរយៈបណ្ដាញសង្គមហ្វេសប៊ុក នាយប់ថ្ងៃទី១៦ ខែឧសភានេះថា លោកមិនទាន់ត្រឡប់មកដឹកនាំក្រុមណាមួយ នៅប្រទេសកម្ពុជាវិញនោះទេ។

លោក Leo ថតសែលហ្វីជាមួយអ្នកគាំទ្រកម្ពុជា នៅពហុកីឡដ្ឋានជាតិ នាពេលកន្លងទៅ

លោកបញ្ជាក់របស់គ្រូបង្វឹកសញ្ជាតិប្រេស៊ីលរូបនេះ ត្រូវបានធ្វើឡើងបន្ទាប់ពីមានពាក្យចចាមអារ៉ាមមួយបានលើកឡើងថា លោក Leo នឹងវិលត្រឡប់មកដឹកនាំក្លឹបមួយនៅកម្ពុជា បន្ទាប់ពីត្រូវបានចែកផ្លូវពីសហព័ន្ធកីឡាបាល់ទាត់កម្ពុជា កាលពីខែតុលា ឆ្នាំ២០១៧ កន្លងទៅ។

គ្រូបង្វឹកសញ្ជាតិប្រេស៊ីលបានពន្យល់ថា បច្ចុប្បន្នលោកកំពុងធ្វើការនៅក្លឹប Ceara នៅប្រទេសប្រេស៊ីល ដោយជាប់កិច្ចសន្យា ហើយលោកមិនអាចត្រឡប់មកវិញភ្លាមៗបានទេ។ ដូច្នេះ លោកមិនអាចទទួលយកការអញ្ជើញពីក្លឹបណាមួយនៅកម្ពុជាបានទេ។ ក៏ប៉ុន្តែ លោក Leo បញ្ជាក់ថា លោកនឹងត្រឡប់មកកម្ពុជាវិញនៅពេលណាមួយជាក់ជាពុំខាន។

លោកបន្ថែមថា ថ្មីៗនេះ ក៏មានក្លឹបចំនួនពីរ ដែលមិនត្រូវបានបញ្ចេញឈ្មោះ មកពីប្រទេសម៉ាឡេស៊ី និងថៃ ក៏បានទាក់ទងទៅកាន់លោក ឲ្យទៅដឹកនាំផងដែរ៕

អត្ថបទ៖ លាភ.