ជប៉ុន គ្រោងចាត់វិធានការពន្ធជាង ៤០០លានដុល្លារ ឆ្លើយតបចំពោះអាមេរិកវិញ
- 2018-05-17 03:04:26
- ចំនួនមតិ 0 | ចំនួនចែករំលែក 0
ជប៉ុន គ្រោងចាត់វិធានការពន្ធជាង ៤០០លានដុល្លារ ឆ្លើយតបចំពោះអាមេរិកវិញ
ចន្លោះមិនឃើញ
រដ្ឋាភិបាលក្រុងតូក្យូ គ្រោងចាត់វិធានការពន្ធក្នុងទំហំទឹកប្រាក់ ៤០៩លានដុល្លារ លើការនាំចូលរបស់អាមេរិក មកកាន់ប្រទេសជប៉ុន។ វិធានការនេះ គឺដើម្បីឆ្លើយតបនឹងការដំឡើងពន្ធនាំចូលដែកថែប និងអាលុយមីញ៉ូមរបស់ប្រធានាធិបតីអាមេរិក ដូណាល់ ត្រាំ កាលពីដើមឆ្នាំ២០១៨នេះ។ នេះបើតាមការចេញផ្សាយរបស់សារព័ត៌មាន NHK របស់ជប៉ុន កាលពីថ្ងៃទី១៦ ខែឧសភា ម្សិលមិញ។
មន្ត្រីរដ្ឋាភិបាលជប៉ុនបញ្ជាក់ថា ក្រុងតូក្យូពិតជាកំពុងរៀបចំចាត់វិធានការមួយចំនួនឆ្លើយតបចំពោះអាមេរិកមែ ប៉ុន្ដែមិនទាន់មានសេចក្ដីសម្រេចជាផ្លូវការណាមួយ ត្រូវបានធ្វើឡើងនោះទេ។
សូមបញ្ជាក់ថា ជប៉ុនគឺជាប្រទេសសម្ព័ន្ធមិត្តរបស់សហរដ្ឋអាមេរិក ដែលមិនទទួលបានការលើកលែងពន្ធលើការនាំចូលដែកថែប និងអាលុយមីញ៉ូម ទៅកាន់អាមេរិកនោះទេ ក្រោយអាមេរិកសម្រេចដំឡើងពន្ធនាំចូលដែកថែបដល់ ២៥% និងអាលុយមីញ៉ូមដល់ ១៥%៕