គ.ជ.ប បង្ហាញចំនួនគណបក្សចូលរួមបោះឆ្នោត និងអ្នកចូលរួមសង្កេតការណ៍

2018-05-17 04:07:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់នៅក្នុងសន្និសីទកាសែតនាព្រឹកថ្ងៃទី១៧ ខែឧសភា ឆ្នាំ២០១៨នេះថា ក្នុងរយៈពេល ១៥ថ្ងៃ (៣០ មេសា-១៤ ឧសភា) គឺមានគណបក្សនយោបាយចំនួន២០ បានមកចុះបញ្ជីឈ្មោះគណបក្សនយោបាយឈ្មោះបោះឆ្នោត និងបញ្ជីបេក្ខជនឈរឈ្មោះ នៅ គ.ជ.ប។

លោក ទេព នីថា ថ្លែងក្នុងសន្និសីទកាសែតនៅ គ.ជ.ប នាព្រឹកថ្ងៃទី១៧ ខែឧសភា ឆ្នាំ២០១៨

លោកបន្តថា គណបក្សនយោបាយចំនួន៥ ត្រូវបាន គ.ជ.ប ទទួលស្គាល់ជាផ្លូវការ គឺគណបក្សប្រជាជនកម្ពុជា គណបក្សយុវជនកម្ពុជា គណបក្សសញ្ជាតិកម្ពុជា គណបក្សខ្មែររួបរួមជាតិ និងគណបក្សហ៊្វុនស៊ិនប៉ិច។

គណបក្ស ៤ទៀត នឹងត្រូវ គ.ជ.ប ប្រកាសទទួលស្គាល់ជាផ្លូវការនៅថ្ងៃទី១៨ ខែឧសភា មានគណបក្សខ្មែរតែមួយ គណបក្សប្រជាធិបតេយ្យមូលដ្ឋាន គណបក្សសំបុកឃ្មុំសង្គមប្រជាធិបតេយ្យ និងគណបក្សពន្លឺថ្មី។

ចំណែកគណបក្សសម្ព័ន្ធដើម្បីប្រជាធិបតេយ្យ គ.ជ.ប សម្រេចនៅថ្ងៃទី១៩ ខែឧសភា។ រីឯគណបក្សចំនួន ១០ទៀត នឹងត្រូវ គ.ជ.ប សម្រេចនៅថ្ងៃទី២១ ខែឧសភា។

លោកបានឱ្យដឹងផងដែរថា អ្នកសង្កេតការណ៍ ២១៧៨នាក់ របស់សហភាពសហព័ន្ធយុវជនកម្ពុជា បានដាក់មក គ.ជ.ប។ ស្ថានទូតភូមាមាន ៣នាក់។ អ្នកកាសែតចំនួន ២០១នាក់ មកពី ២៧ស្ថាប័ន ក្នុងនោះមានអ្នកកាសែតជាតិចំនួន ១៦៧នាក់ មកពី ២៦ស្ថាប័ន និងអ្នកកាសែតអន្តរជាតិ ៣៤នាក់ មកពី ១៦ស្ថាប័ន៕