ក្រុមហ៊ុនដឹកអ្នកដំណើរវៀតណាម កំពុងសម្រុកពង្រីកសេវាកម្មនៅលើកោះត្រល់
- 2018-05-17 04:26:07
- ចំនួនមតិ 0 | ចំនួនចែករំលែក 0
ក្រុមហ៊ុនដឹកអ្នកដំណើរវៀតណាម កំពុងសម្រុកពង្រីកសេវាកម្មនៅលើកោះត្រល់
ចន្លោះមិនឃើញ
បច្ចុប្បន្ន កោះត្រល់មានក្រុមហ៊ុនដឹកជញ្ជូនចំនួន ៥ ដែលកំពុងដំណើរការរថយន្តតាក់ស៊ីមិនតិចជាង ១ពាន់គ្រឿងឡើយ។ យោងតាមវិបសាយសារព័ត៌មានវៀតណាម Zing News បានឲ្យដឹងថា តួលេខនៃរថយន្តតាក់ស៊ីទាំងនេះគឺមានចំនួនច្រើនខ្លាំង បើប្រៀបធៀបនឹងទំហំដីត្រឹមតែ ៥៧៤គីឡូម៉ែត្រការ៉េ និងប្រជាជនជាង១០ម៉ឺននាក់នៅលើកោះត្រល់។
មុនឆ្នាំ២០១៤ កោះត្រល់មានក្រុមហ៊ុនដឹកជញ្ជូនអ្នកដំណើរតែ២ប៉ុណ្ណោះ។ ការកើនឡើងនេះក៏ដោយសារតែទេសចរកាន់តែច្រើនឡើងបានទៅលេងកម្សាន្តនៅកោះត្រល់ ហើយភាគច្រើននៃទេសចរបានជ្រើសរើសរថយន្តតាក់ស៊ីជាមធ្យោបាយធ្វើដំណើរ។
បើទោះជាចំនួនរថយន្តតាក់ស៊ីកាន់តែកើនឡើង តម្រូវការនៅតែមានភាពខ្វះខាតដដែល នៅអំឡុងពេលថ្ងៃឈប់សម្រាក ឬបុណ្យទានម្ដងៗ។ នេះបើយោងតាមសម្ដីលោក Vo Quy Si ប្រធាននាយកដ្ឋានគ្រប់គ្រងកោះត្រល់។
សូមបញ្ជាក់ថា ក្រៅពីរថយន្តតាក់ស៊ីជាង១ពាន់គ្រឿង កោះត្រល់ក៏មានយន្តហោះកំពុងដំណើរការចំនួន៧០គ្រឿងផងដែរ៕