Duterte៖ ស៊ី ជីងពីង មិនបណ្តោយឲ្យហ្វីលីពីនធ្លាក់ក្នុងកណ្តាប់ដៃក្រុមសុនខនោះទេ

2018-05-17 06:28:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីហ្វីលីពីន លោកRodrigo Duterte បាននិយាយថាប្រធានាធិបតីចិន លោកស៊ី ជីនភីង ធ្លាប់បានផ្ដល់នូវការធានាផ្ទាល់ខ្លួនសម្រាប់លោក ដោយបានលើកឡើងថា រដ្ឋាភិបាលក្រុងប៉េកាំង នឹងមិនបណ្ដោយឲ្យលោកធ្លាក់ចេញពីតំណែងជាដាច់ខាត។ នេះបើតាមការថ្លែងរបស់លោកក្នុងសន្ទរកថាមួយ កាលពីថ្ងៃទី១៥ ឧសភា ឆ្នាំ២០១៨។

លោក Duterte ចាប់ដៃជាមួយ លោក ស៊ី ជិនភិង នៅកិច្ចប្រជុំនាពេលកន្លងមក។ រូបភាព៖ Reuters

លោក Duterte បានបញ្ជាក់ដូច្នេះថា៖ "ការធានារបស់លោកស៊ី គឺពិតជាបង្ហាញនូវក្ដីសង្ឃឹមមួយសម្រាប់ខ្ញុំ។ ដោយគាត់[ប្រធានាធិបតីចិន] បានលើកឡើងថា រដ្ឋាភិបាលចិននឹងមិនបណ្ដោយឲ្យខ្ញុំត្រូវគេទម្លាក់ចេញពីតំណែង និងមិនបណ្ដោយឲ្យប្រទេសហ្វីលីពីនធ្លាក់ចូលក្នុងកណ្ដាប់ដៃក្រុមសុនខជាដាច់ខាត។"

យ៉ាងណាក្ដី បុរសកណ្ដាប់ដៃដែកហ្វីលីពីនរូបនេះ មិនបានបញ្ជាក់ទេថា នៅពេលណាដែលលោកស៊ីជីនភីង បាននិយាយសម្ដីទាំងអស់នេះ ប៉ុន្តែកាលពីថ្ងៃទី១០ មេសា ឆ្នាំ២០១៨ មេដឹកនាំទាំង២ បានជួបគ្នានៅក្រៅវេទិកា Boao ប្រចាំទ្វីបអាស៊ី នៅក្នុងខែត្រហៃណាន ប្រទេសចិន។

រូបភាព៖ Reuters

គួរបញ្ជាក់ថា មិនដល់២ខែទៀតទេ លោក Duterte នឹងកាន់តំណែងអស់រយៈពេល ២ ឆ្នាំនៃអាណត្តិប្រធានាធិបតី ៦ ឆ្នាំរបស់លោក ខណៈដែលរដ្ឋធម្មនុញ្ញរបស់ប្រទេសហ្វីលីពីន ហាមឃាត់ប្រធានាធិបតីមិនឲ្យកាន់តំណែងលើសពី ១ អាណត្តិនោះឡើយ៕

ប្រភព៖ Bloomberg ប្រែសម្រួល៖ អឹុម ម៉េងស៊ាង