លោក មហាធៀ ទទួលបានតំណែងថ្មី១ទៀត​ ក្រៅពី​នាយករដ្ឋមន្រ្តី​ម៉ាឡេស៊ី

  • 2018-05-17 08:25:30
  • ចំនួនមតិ 0 | ចំនួនចែករំលែក 33

ចន្លោះមិនឃើញ

នាយករដ្ឋមន្ត្រី​ម៉ាឡេស៊ី លោក​ មហាធៀ មហាម៉ាត់ បាន​ប្រកាស​នៅ​ក្នុង​សន្និសីទ​សារព័ត៌មាន​មួយ​ នា​ថ្ងៃ​ព្រហស្បតិ៍នេះថា លោក​ត្រូវបាន​សភាតែងតាំងជា​រដ្ឋមន្ត្រីថ្មី​នៃ​ក្រសួង​អប់រំ​​របស់ម៉ាឡេស៊ី។

លោក​មហាធៀ មហាម៉ាត់ ថ្លែង​នាពេល​កន្លង​មក។ រូបភាព៖ Reuters

លោកបាន​បញ្ជាក់​ថា លោក​កាន់​តំណែង​នេះ គឺដោយសារតែលោកយល់​ឃើញ​ថា មនុស្ស​ជាច្រើន​នៅក្នុង​ប្រទេស​​ម៉ាឡេស៊ី មិនទទួល​បាន​ការអប់រំ​ឡើយ។

លោក​បាន​​បន្ថែម​ទៀត​ថា វិធី​សាស្រ្ត​នៃ​ការ​បង្រៀន​សព្វ​ថ្ងៃ គឺ​ហួសសម័យ​ហើយ។ ​លោក​នឹង​រៀបចំវិធីសាស្រ្តថ្មីសម្រាប់​បង្រៀន ជាពិសេសដាក់បញ្ចូលបន្ថែម​នូវ​កម្មវិធី​អនឡាញ​ ដើម្បី​បង្រៀន​សិស្ស​ក្នុង​សាលា​ថែមទៀត​ផង។

លោក​នឹងស្បថ​ចូលកាន់​តំណែង​​ជា​រដ្ឋមន្រ្តី​អប់រំ រួម​ជាមួយ​នឹង​រដ្ឋមន្រ្តី​១៣រូប​ផ្សេងទៀត នៅថ្ងៃទី​២១ ខែឧសភា ឆ្នាំ​២០១៨​ខាងមុខនេះ៕


ប្រភព៖ Channelnewsasia ប្រែ​សម្រួល៖ អឹុម ម៉េងស៊ាង