តួកគី គ្រោងនឹងបើកជើងហោះហើរត្រង់មកកម្ពុជា

2018-05-17 08:02:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកស្រី Ayda Unlu ឯកអគ្គរដ្ឋទូតតួកគីថ្មីប្រចាំកម្ពុជា បានបញ្ជាក់ថា តួកគី ចង់ឱ្យមានការបើកជើងហោះហើរត្រង់មកកម្ពុជា ដើម្បីជំរុញវិស័យទេសចរណ៍នៃប្រទេសទាំង២។ លោកស្រីលើកឡើងដូច្នេះ ក្នុងជំនួបពិភាក្សាជាមួយសម្តេចនាយករដ្ឋមន្រ្តី ហ៊ុន សែន កាលពីព្រឹកថ្ងៃទី១៧ ខែឧសភា ឆ្នាំ២០១៨ នៅវិមានសន្តិភាព។

លោកស្រី Ayda Unlu ក្នុងជំនួបជាមួយសម្តេច ហ៊ុន សែន កាលពីព្រឹកថ្ងៃទី១៧ ខែឧសភា ឆ្នាំ២០១៨ នៅវិមានសន្តិភាព។ រូបថត៖ AKP

លោកស្រីបានសន្យាថា នឹងខិតខំប្រឹងប្រែងឱ្យអស់ពីលទ្ធភាព ធ្វើយ៉ាងណាជំរុញឱ្យទំនាក់ទំនង រវាងប្រទេសទាំង២ ឱ្យកាន់តែរឹងមាំស៊ីជម្រៅ និងទូលំទូលាយថែមទៀត។ លោកស្រី បានមានប្រសាសន៍ថា វិស័យវិនិយោគ ពាណិជ្ជកម្ម និងសេដ្ឋកិច្ច រវាងប្រទេសទាំង២ គឺនៅមានកម្រិតនៅឡើយ។

ជាការឆ្លើយតប សម្តេចនាយករដ្ឋមន្ត្រី បានមានប្រសាសន៍បញ្ជាក់ថា ការបើកឱ្យមានការហោះហើរត្រង់ពីតួកគី មកកាន់កម្ពុជា នឹងបង្កើននូវទំនាក់ទំនងកាន់តែជិតស្និទ្ធរវាងប្រទេសទាំង២ លើវិស័យសេដ្ឋកិច្ច ពាណិជ្ជកម្ម វិនិយោគ និងទេសចរណ៍ កាន់តែកើនឡើង ពិសេសទំនាក់ទំនងរវាងប្រជាជន និងប្រជាជន នឹងមានការកើនឡើងខ្លាំងផងដែរ៕

អត្ថបទ៖ សំភី