១៤ប្រទេស ប្រកាសឲ្យពលរដ្ឋខ្លួនប្រុងប្រយ័ត្នពេលទៅឥណ្ឌូណេស៊ី

2018-05-17 09:31:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសចំនួន១៤ បានធ្វើការណែនាំឲ្យប្រជាជនរបស់ខ្លួនមានការប្រុងប្រយ័ត្នខ្ពស់ នៅពេលរៀបចេញទៅដំណើរទៅកាន់ប្រទេសឥណ្ឌូណេស៊ី។ ការប្រកាសនេះ ធ្វើឡើងក្រោយពីមានការវាយប្រហាររបស់ក្រុមភេរវករនៅក្នុងទីក្រុង Surabaya នៃខេត្តជ្វាខាងកើត កាលពីពេលថ្មីៗកន្លងទៅ។

ប្រទេសទាំងនោះមានដូចជា អង់គ្លេស សហរដ្ឋអាមេរិក អូស្ត្រាលី ហុងកុង នូវែលហ្សេឡង់ សិង្ហបុរី ម៉ាឡេស៊ី ប៉ូឡូញ អៀរឡង់ កាណាដា បារាំង ហ្វីលីពីន ស្វីស និងប្រេស៊ីល។

ការវាយប្រហារដោយគ្រាប់អត្តឃាតនៅទីក្រុង Surabaya កាលពីថ្ងៃទី១៣ ខែឧសភា ឆ្នាំ២០១៨/ រូបភាព៖ Reuters

សូមបញ្ជាក់ថា ក្រៅពីប្រទេសទាំង១៤នេះ ស្ថានឯកអគ្គរាជទូតកម្ពុជាប្រចាំសាធារណៈរដ្ឋឥណ្ឌូណេស៊ី ក៏បានផ្ដល់ដំណឹងឲ្យប្រជាពលរដ្ឋកម្ពុជាមានការប្រុងប្រយ័ត្នផងដែរ ជាពិសេសនៅទីតាំងមួយចំនួនដូចជា ស្ថានីយរថភ្លើង តំបន់ក្បែរទីស្នាក់ការប៉ូលិស ព្រះវិហារកាតូលិក និងទីប្រជុំជននានាជាដើម៕

ប្រភព៖ News24xx ប្រែសម្រួល៖ ឈាង.