អ៊ីស្រាអែលបើកការវាយប្រហារតាមដែនអាកាសលើតំបន់ Gaza សាជាថ្មី

2018-05-17 09:22:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសអ៊ីស្រាអែល នៅថ្ងៃទី១៧ ខែឧសភា ២០១៨នេះ បានប្រកាសថា បានវាយប្រហារតាមដែនអាកាសទៅលើតំបន់ Gaza ក្រោយមានការបាញ់កាំភ្លើងចេញពីតំបន់នោះ សំដៅមកកាន់ទាហានអ៊ីស្រាអែល និងបានបំផ្លាញអគារមួយរបស់អ៊ីស្រាអែល។

ចំណែកខាងកងកម្លាំងប៉ាឡេស្ទីនបានបញ្ជាក់ថា គោលដៅនៃការវាយប្រហាររបស់អ៊ីស្រាអែល គឺមូលដ្ឋានកងកម្លាំងមួយនៅក្រុង Hamas ក្នុងតំបន់ Gaza ប៉ុន្ដែពុំមានសេចក្តីរាយការណ៍ណាមួយពីការរងរបួសនៅឡើយទេ។ រីឯនៅថ្ងៃទី១៦ ខែឧសភា ២០១៨ ម្សិលមិញ អ៊ីស្រាអែលក៏បានប្រើរថក្រោះបាញ់ទៅលើទីតាំងចំនួន ៣កន្លែង ក្នុងក្រុង Hamas ផងដែរ ក្រោយមានការបាញ់ពីតំបន់ Gaza សំដៅទៅកាន់ទាហានអ៊ីស្រាអែល។

សូមបញ្ជាក់ថា ការផ្ទុះអាវុធសាជាថ្មីនេះ គឺក្រោយកងទ័ពអ៊ីស្រាអែលបានបាញ់សម្លាប់ជនជាតិប៉ាឡេស្ទីន ៦២នាក់ និងរបួសជាង ២៧០០នាក់ កាលពីដើមសប្ដាហ៍នេះ អំឡុងពិធីបើកសម្ពោធស្ថានទូតអាមេរិកប្រចាំក្រុង Jerusalem៕

អត្ថបទទាក់ទង ស្លាប់ និងរបួសរាប់ពាន់នាក់ ក្នុងការប៉ះទង្គិចគ្នារវាងកងទ័ពអ៊ីស្រាអែល និងជនជាតិប៉ាឡេស្ទីន

ប្រភព៖ CGTN ប្រែសម្រួល៖ វាសនា