ធនាគារ ANZ Royal ប្ដូរឈ្មោះថ្មី ក្រោយធនាគារជប៉ុន ទិញយកភាគហ៊ុនពី ANZ អូស្រ្ដាលី

2018-05-17 10:13:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ធនាគារជប៉ុន JTrust បានឈានដល់កិច្ចព្រមព្រៀងជាផ្លូវការ ទិញភាគហ៊ុនចំនួន ៥៥% របស់ធនាគារ ANZ Royal ពីធនាគារ ANZ Group របស់អូស្រ្ដាលី។ នេះបើយោងតាមសេចក្ដីប្រកាសព័ត៌មានរបស់ក្រុមហ៊ុន Royal Group នៅថ្ងៃទី១៧ ខែឧសភា ឆ្នាំ២០១៨ នេះ។

នៅក្នុងសេចក្ដីប្រកាសព័ត៌មាននោះ មិនបានបញ្ជាក់ពីការប្ដូរឈ្មោះថ្មីក្រោយការចុះកិច្ចព្រមព្រៀងនេះទេ ប៉ុន្តែតាមប្រភពដែលជិតស្និទ្ធនឹងក្រុមហ៊ុន Royal Group បានឲ្យដឹងថា ធនាគារ ANZ Royal នឹងត្រូវប្ដូរឈ្មោះទៅជាធនាគារ JTrust Royal វិញ ចំណែកឡូហ្គោរបស់ធនាគារ ក៏ត្រូវផ្លាស់ប្ដូរផងដែរ។

ធនាគារ ANZ Royal (រូបភាព៖ FoodNavigator-Asia)

គួររំលឹកផងដែរថា ធនាគារ ANZ របស់អូស្រ្ដាលី និងក្រុមហ៊ុន Royal Group របស់អ្នកឧកញ៉ា គិត ម៉េង បានរួមគ្នាបង្កើតធនាគារ ANZ Royal កាលពីឆ្នាំ២០០៥ ដែល ANZ មានភាគហ៊ុន ៥៥% និង Royal Group មានភាគហ៊ុន ៤៥%។

គួរកត់សម្គាល់ផងដែរថា JTrust ជាធនាគារជប៉ុន ដែលមានអាយុកាលជាង ៤០ឆ្នាំមកហើយ។ ធនាគារនេះ មានប្រតិបត្តិការនៅមួយចំនួននៅតំបន់អាស៊ី ដូចជាប្រទេសជប៉ុន កូរ៉េខាងត្បូង ឥណ្ឌូណេស៊ី និងថៃ ជាដើម៕