ស្លាប់ជាង១០០នាក់ រស់តែ៣នាក់ ក្នុងឧបទ្ទវហេតុធ្លាក់យន្តហោះនៅគុយបា

2018-05-19 01:32:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មនុស្សជាង ១០០នាក់ បានស្លាប់ ក្នុងហេតុការណ៍ធ្លាក់យន្តហោះមួយ នៅព្រលានយន្តហោះ Jose Marti ចម្ងាយប្រមាណ ២០គីឡូម៉ែត្រ ពីក្រុង Havana ប្រទេសគុយបា នៅថ្ងៃសុក្រ ទី១៨ ខែឧសភា ឆ្នាំ២០១៨។ នេះបើតាមការចុះផ្សាយរបស់សារព័ត៌មានក្នុងស្រុក។

យន្តហោះបានធ្លាក់នៅទីវាលមួយ នៅក្បែរក្រុង Havana ប្រទេសគុយបា (រូបថត៖ EPA)

សារព័ត៌មាន Granma បានរាយការណ៍ថា មនុស្ស ៣នាក់ បានរួចផុតពីការស្លាប់ក្នុងហេតុការណ៍ខាងលើ ប៉ុន្តែជនរងគ្រោះស្ថិតក្នុងស្ថានភាពធ្ងន់ធ្ងរ។

បើតាមវេបសាយរបស់នាយកដ្ឋានដឹកជញ្ជូនម៉ិកស៊ីកូ បានឲ្យដឹងថា ពេលហោះចេញពីព្រលាន យន្តហោះប្រហែលជាមានបញ្ហាមួយ តែមិនបានបញ្ជាក់ថាជាបញ្ហាអ្វីនោះទេ។

បំណែកយន្តហោះ មាននៅគ្រប់ទីកន្លែង នៅទីតាំងធ្លាក់យន្តហោះ (រូបថត៖ Reuters)

យន្តហោះម៉ូដែលប៊ូអ៊ីញ 737-201 បានហោះចេញពីព្រលានយន្តហោះ Jose Marti ដើម្បីឆ្ពោះទៅកាន់ព្រលានយន្តហោះ Holguin ដោយមានផ្ទុកអ្នកដំណើរ និងបុគ្គលិកបម្រើការលើយន្តហោះ សរុបចំនួន ១១០នាក់។ នេះជាការបញ្ជាក់ពីក្រុមហ៊ុនអាកាសចរណ៍ម៉ិកស៊ីកូដែលទទួលខុសត្រូវចំពោះយន្តហោះមួយនេះ។

អាជ្ញាធរម៉ិកស៊ីកូ បានឲ្យដឹងថា យន្តហោះខាងលើត្រូវបានផលិតក្នុងឆ្នាំ១៩៧៩ ហើយត្រូវបានឆ្លងកាត់ការត្រួតពិនិត្យដោយជោគជ័យកាលពីខែវិច្ឆិកា ឆ្នាំ២០១៧៕

ប្រភព៖ BBC ប្រែសម្រួល៖ លាភ.