ប្រទេស៣ ថយក្រោយ១ជំហាន ក្រោយកូរ៉េខាងជើងគំរាមមិនចូលប្រជុំ

2018-05-19 02:09:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ត្រីក្រសួងការពារជាតិអាមេរិកបានឲ្យដឹងថា សហរដ្ឋអាមេរិក កូរ៉េខាងត្បូង និងជប៉ុន នៅសប្ដាហ៍នេះ បានព្រមព្រៀងគ្នា ដើម្បីបង្វែរទិសដៅហោះហើររបស់យន្តហោះទម្លាក់គ្រាប់បែកនុយក្លេអ៊ែរ B-52 ចំនួន ២គ្រឿង ចេញពីឧបទ្វីបកូរ៉េ។

យន្តហោះ B-52 (រូបថត៖ CNN)

ការសម្រេចនេះ ត្រូវបានធ្វើឡើងបន្ទាប់ពីកូរ៉េខាងជើងប្រឆាំងនឹងសមយុទ្ធរបស់យោធាអាមេរិកក្នុងឧបទ្វីបកូរ៉េ និងគំរាមមិនចូលរួមកិច្ចប្រជុំកំពូល ដែលត្រូវធ្វើឡើងសម្រាប់មេដឹកនាំកូរ៉េខាងជើងលោក គីម ជុងអ៊ុន និងលោកប្រធានាធិបតីអាមេរិក ដូណាល់ ត្រាំ។

មន្ត្រីក្រសួងការពារជាតិអាមេរិក មិនបានបញ្ជាក់ថា ការប្ដូរទិសដៅយន្តហោះទម្លាក់គ្រាប់បែកខាងលើ ជាការបន្ទន់ឥរិយាបថក្រោយការគំរាមរបស់កូរ៉េខាងជើងនោះទេ តែថា វាជាការព្យាយាមបញ្ចៀសនូវសកម្មភាពទាំងឡាយណាដែលកូរ៉េខាងជើងចាត់ទុកជាការញុះញង់ឲ្យមានការឆ្លើយតបពីក្រុងព្យុងយ៉ាង។ ក្រសួងការពារជាតិអាមេរិក បានបដិសេធក្នុងការបកស្រាយលើបញ្ហានេះ៕