អភិបាលខេត្តរតនគិរី ស្នើឱ្យចិន ចូលមកវិនិយោគលើការកែច្នៃផលិតផលសម្រេច
- 2018-05-20 13:27:33
- ចំនួនមតិ 0 | ចំនួនចែករំលែក 0
អភិបាលខេត្តរតនគិរី ស្នើឱ្យចិន ចូលមកវិនិយោគលើការកែច្នៃផលិតផលសម្រេច
ចន្លោះមិនឃើញ
លោក ថង សាវុន អភិបាលខេត្តរតនគិរី បានស្នើឱ្យភាគីចិន ចូលមកវិនិយោគលើការកែច្នៃផលិតផលសម្រេចសម្រាប់ការនាំចេញ និងជំរុញកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម ទេសចរណ៍ វប្បធម៌ អប់រំ ឱ្យកាន់តែប្រសើរឡើងថែមទៀត។ សំណើនេះ ធ្វើឡើងក្នុងអំឡុងពេលលោកទទួលជួបប្រតិភូទីក្រុងខុងជ័រ ខេត្តក្វាងស៊ី ប្រទេសចិន កាលពីរសៀលថ្ងៃទី២០ ខែឧសភា ឆ្នាំ២០១៨ នៅខេត្តរតនគិរី។
ជាការឆ្លើយតប លោក វ៉ាន ចុងស៊ីង អនុប្រធានគណៈកម្មាធិការអចិន្ត្រៃយ៍ នៃសភាប្រជាជនក្រុងចុងជ័រ ដែលជាអ្នកដឹកនាំគណៈប្រតិភូ បានបញ្ជាក់ថា លោកនឹងជំរុញអ្នកវិនិយោគឯកជនបន្ថែមទៀត ឱ្យមកវិនិយោគនៅខេត្តរតនគិរីផ្ទាល់។
លោកក៏បានជំរុញឱ្យមានទស្សនកិច្ចសិក្សាលើការងារបេតិកភណ្ឌ ស្វែងយល់អំពីប្រព័ន្ធនៃការគ្រប់គ្រងរដ្ឋបាល ការរក្សាគ្រប់គ្រងតំបន់អភិរក្ស និងការងារជំរុញការអភិវឌ្ឍប្រកបដោយចីរភាព ដោយជំរុញការផ្លាស់ប្តូរគ្រប់វិស័យ ជាពិសេសជំរុញឱ្យយុវជនបន្តវេន ផ្លាស់ប្តូរវប្បធម៌នៃខេត្តទាំងពីរ៕