ក្រុម២ មិនទាន់ស្គាល់ពាក្យថាចាញ់ ត្រឹមសប្ដាហ៍ទី៦ លីគកំពូលកម្ពុជា

2018-05-21 02:16:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លីគកំពូលកម្ពុជា បានដំណើរការដល់សប្ដាហ៍ទី៦ កាលពីថ្ងៃចុងសប្ដាហ៍កន្លងទៅ ហើយជាលទ្ធផល មានគូដែលប្រកួតស្មើគ្នា តែ២គូប៉ុណ្ណោះ ក្នុងចំណោម៦គូ។ ក្លឹបណាហ្គាវើល និងបឹងកេត សុទ្ធតែទទួលបានជ័យជម្នះ ដើម្បីរក្សាភាពមិនស្គាល់ពាក្យថាចាញ់ ដោយឈរលេខ១ និងលេខ២ មាន ១៦ពិន្ទុ ស្មើគ្នា។

Julius និង ស៊ើយ វិសាល ក្នុងការប្រកួតកន្លងទៅ

កាលពីចុងសប្ដាហ៍កន្លងទៅ ណាហ្គាវើល បានយកឈ្នះ Soltilo Angkor ដោយលទ្ធផល ៤-១ ខណៈ បឹងកេត បានលត់ព្រះខ័នរាជស្វាយរៀង ដោយលទ្ធផល ៣-១ ។

បន្ទាប់ពីឈ្នះ៤ប្រកួត និងស្មើ១ប្រកួតកន្លងមក ណាហ្គាវើលបានបន្តឈ្នះសប្តាហ៍ទី៦ទៀត តាមរយៈការ ទម្លាយសំណាញ់ទីក្រុម Soltilo Angkor រហូតដល់៤គ្រាប់។ កីឡាករ សារី ម៉ាត់ណូរ៉ូទីន រកបាន៣គ្រាប់ម្នាក់ឯងនៅនាទីទី៣, ៣៤ និង៤៤។ ១គ្រាប់ទៀតរកបានដោយកីឡាករផ្ការីកគ្រប់រដូវ សុះ ស៊ូហាណា នៅនាទីទី៨៥។ យ៉ាងណា Soltilo Angkor បំបែកពងមាន់ដោយកីឡាករ Kento Fujihara នៅនាទីទី៦៦។

ចំណែក បឹងកេត បន្ទាប់ពីត្រូវស្វាយរៀងនាំមុខ ១-០ តាំងពីនាទី១៣ដោយកីឡាករ Booysen Shane បានរកគ្រាប់តាមស្មើ ១-១ តាមរយៈការទាត់ពិន័យ១១ម៉ែត្ររបស់កីឡាករប្រេស៊ីល Mycon។ ៣នាទីក្រោយមក Samuel Ajayi ស៊ុតគ្រាប់បាល់នាំមុខ ២-១ ។ នៅម៉ោងបន្ថែម៩០+ទៅហើយ ខ្សែប្រយុទ្ធ Julius Oiboh រកបាន១គ្រាប់បន្ថែមទៀត។

លទ្ធផលគូផ្សេងៗទៀត