អាមេរិក ប្រកាសមិនទទួលស្គាល់លទ្ធផលបោះឆ្នោតរបស់វេណេហ្ស៊ុយអេឡា នោះទេ

2018-05-21 06:13:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សហរដ្ឋអាមេរិក ប្រកាសមិនទទួលស្គាល់លទ្ធផលបោះឆ្នោតរបស់ប្រទេសវេណេហ្ស៊ុយអេឡា ដែលបានធ្វើឡើងកាលពីថ្ងៃទី២០ ឧសភា ឆ្នាំ២០១៨។ នេះបើតាមការបញ្ជាក់របស់អនុរដ្ឋមន្ត្រីការបរទេសអាមេរិក លោក John Sullivan ទៅកាន់អ្នកសារព័ត៌មាន កាលពីថ្ងៃម្សិលមិញ។

លោក John Sullivan ថ្លែងនាពេលកន្លង

ជាមួយគ្នានេះដែរ តំណាងសហអាមេរិកប្រចាំអង្គការសហប្រជាជាតិ ក៏បានសរសេរនៅក្នុងបណ្ដាញសង្គមTwitter កាលពីថ្ងៃម្សិលមិញថា ការបោះឆ្នោតក្នុងប្រទេសវេណេហ្ស៊ុយអេឡា គឺជាការប្រមាថមួយសម្រាប់លទ្ធិប្រជាធិបតេយ្យ។ វាដល់ពេលហើយសម្រាប់ប្រធានាធិបតីវេណេហ្ស៊ុយអេឡា លោក Nicolas Maduroក្នុងការដើរចេញ។

គួរបញ្ជាក់ថា ក្រុមប្រឹក្សារៀបចំបោះឆ្នោតវេណេហ្ស៊ុយអេឡា បានប្រកាសកាលពីថ្ងៃម្សិលមិញថា លោក Nicolas Maduroបានយកឈ្នះការបោះឆ្នោត ដើម្បីកាន់តំណែងជាប្រធានាធិបតីអាណត្តិទី២របស់លោក ក្នុងលទ្ធផល ៦៨%នៃសំឡេងឆ្នោតសរុប៕